Уһук Илин урбаанньыттарын вебинарга кыттарга ыҥыраллар

Арассыыйа Баанын Уһук Илиннээҕи управлениета урбаанньыттары уонна ситэриилээх былаас уорганнарын бэрэстэбиитэллэрин «Возможности привлечения финансирования с помощью инструментов фондового рынка для субъектов малого и среднего предпринимательства. Повестка устойчивого развития» диэн босхо вебинарга ыҥырар. Тэрээһин онлайн киэбинэн ыам ыйын 24 күнүгэр ыытыллыаҕа.

Дьоҕус уонна орто урбаан бэрэстэбиитэллэрэ урбааны сайыннарар сонун ньымалары билиэхтэрэ, тирэхтээх үбүлээһин инфраструктуратын уонна үнүстүрүмүөннэрин кытта билсиэхтэрэ. Вебинар кыттааччыларыгар бырайыактары сайыннарарга Арассыыйа Баанын оруолун туһунан сиһилии кэпсиэхтэрэ.

Спикердэринэн Арассыыйа Баанын бэрэстэбиитэллэрэ, сыаналаах кумааҕы ырыынагын идэтийбит кыттааччылара уо.д.а. буолуохтара.

Вебинар Саха сирин бириэмэтинэн 15:30 чааска саҕаланыаҕа. Уһуна — 2 чаас 30 мүнүүтэ.

Кыттыан баҕалаахтар сыылканан регистрацияны ааһыаххытын сөп.