Уһук Илин устун айан куонкуруһугар сайаапкалары ылыы салҕанар

«Уһук Илин – мүччүргэннээх сырыы сирэ» диэн Арассыыйа үрдүнэн биллэриллибит бастыҥ айан куонкурус 2-с түһүмэҕэр сайаапкалары ылыы салҕанар.

Сайаапкалары 2024 сыл ахсынньы 30 күнүгэр диэри ылаллар.

— Айан 2022 с. балаҕан ыйын 1 күнүттэн 2024 с. ахсынньы 30 күнүгэр диэри оҥоһуллуохтаах;

— Сырыы туһунан Арассыыйа ЫБМ территориальнай уорганнарыгар иһитиннэрии оҥоһуллуохтаах;

— Сайаапканы куонкурус официальнай саайтын нөҥүө биэриэххэ наада.

Куонкурус номинациялара:

• Сатыы айан (сатыы поход, тыытыллыбатах айылҕанан веломаршрут );
• Уунан айан (өрүһүнэн устуу, муоратааҕы уонна уу аннынан айан, серфинг);
• Кыһыҥҥы суолунан (хайыһарынан айан, кыһыҥҥы веломаршрут, сноубординг).

Куонкуруска кыттарга биир номинацияттан элбэҕэ суох сайаапка бэриллэр.

Бириистэр:

Гран-при — 3 мөл. солк. (бастыҥ айан);

Сатыы /уунан/кыһыҥҥы айан  — 1 мөл. солк.;

2 миэстэ номинациятыгар — 300 000 солк.;

3 миэстэ номинациятыгар — 100 000 солк.

Интэриэһиргиир боппуруостаргытын сиһилии @travelerdv суруттаран билсиэххитин сөп.

Куонкурус ВЭФ тэрээһиҥҥэ 2022 сыллаахха саҕаламмыта. Көҕүлээччи — РФ Бэрэсидьиэнин Уһук Илиҥҥэ боломуочунайа, вице-премьер Юрий Трутнев.