Уһук Илини сайыннарыыга РФ миниистирин солбуйааччы Эльвира Нургалиева Дьокуускай уонна Нерюнгри маастар-былааннарынан мунньахтаата

Уһук Илини сайыннарыыга РФ миниистирин солбуйааччы Эльвира Нургалиева Дьокуускайдааҕы уонна Нерюнгритааҕы агломерациялар социальнай-экэнэмиичэскэй сайдыыларын биир кэлим уһун болдьохтоох былааннарын тэрээһиннэрин үбүлээһин боппуруостарынан мунньахтаата. Манна бастакы вице-премьер Джулустан Борисов кытынна.

Джулустан Борисов Дьокуускай уонна Нерюнгри маастар-былааннара олоххо киирэллэригэр туһуламмыт тэрээһиннэргэ анаан федеральнай үбүлээһини уонна  бүддьүөтү таһынан инвестициялары тардарга ыытыллар үлэлэр туһунан иһитиннэрдэ. Кини СӨ Бырабыыталыстыбата былаас федеральнай уорганнарын кытта бырайыактарга тэҥҥэ үлэлэһэрин бэлиэтээтэ.

РФ миниистирин солбуйааччы Эльвира Нургалиева хааһына саҥа кирэдьииттэрин аттарыы сүрүн хайысхаларын эттэ. Кини өрөспүүбүлүкэ үлэтин хайҕаата, эрэкэмэндээссийэлэрин иһитиннэрдэ диэн СӨ Ил Дарханын уонна бырабыыталыстыбатын дьаһалтатын пресс-сулууспата иһитиннэрэр.