«Уһук Илиҥҥэ 1000 тиэргэн» бырайыагынан 185 тиэргэни тупсардылар

Саха сиригэр 2022 сылга 37 сэлиэнньэҕэ уонна куоракка 124 тиэргэни уонна мини-паарканы, 2023 сылга 25 муниципальнай тэриллиигэ 61 тиэргэни тупсардылар.

Быйыл Уһук Илиҥҥэ тупсарыы бырагырааматын чэрчитинэн 14 олбуору  тупсаран оҥоруохтара. Бу үлэҕэ 102 мөл. солк. үп-харчы көрүлүннэ. Ол курдук, Дьокуускайга – 8 тиэргэн, ону тэҥэ Алдан, Мииринэй, Нам, Нерюнгри, Аллараа Халыма, Өлүөхүмэ, Хаҥалас, Чурапчы оройуоннарыгар торумнанар.

“Бырагыраама соруга – олохтоохтор олорор усулуобуйаларын тупсарыы, Уһук Илин федеральнай уокурукка олох усулуобуйатын тупсарыы”, — диэн бэлиэтээбитэ Юрий Трутнев.

“Уһук Илиҥҥэ тиэргэннэри тупсаҕай оҥоруу бырагыраама 2021 сыллаахха ВЭФ кэмигэр Бэрэсидьиэн боломуочуйалаах бэрэстэбиитэлин Юрий Трутнев көҕүлээһининэн саҕаламмыта. Бырагыраама чэрчитинэн РФ Бэрэсидьиэнин Владимир Путин сорудаҕынан, Уһук Илин бары эрэгийиэннэрэ федеральнай бүддьүөттэн тиэргэннэри тупсаҕай оҥорууга үбү-харчыны ылбыттара.

СӨ Ил Дарханын уонна Бырабыыталыстыбатын пресс-сулууспата