Салгыы
Уһук Илиҥҥэ айаннаа — куонкуруска кыай!

Уһук Илиҥҥэ айаннаа — куонкуруска кыай!

01.05.2024, 15:00
Ил Дархан, бырабыыталыстыба дьаһалтатын пресс-сулууспата.
Бөлөххө киир:

Ыам ыйын 1 күнүттэн ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений» куонкурус 2-с сезонугар сайаапкалары ылыы саҕаланна. Куонкурус Уһук Илин уокуругар бэрэсидьиэн бастайааннай бэрэстэбиитэлэ Юрий Трутнев, Уһук Илини сайыннарыы министиэристибэтин, Уһук Илини, Арктиканы сайыннарыы корпорациятын, «Фонд развития социальных инициатив» уопсастыбаннай түмсүү көҕүлээһиннэринэн ыытыллар.

Ил Дархан, бырабыыталыстыба дьаһалтатын пресс-сулууспата.

Куонкурус сүрүн сыала — Уһук Илин ураты кэрэ сирдэрин дойдубут олохтоохторугар киэҥник билиһиннэрии. Хайдахтаах да киинэлэр уһулуннуннар, киһи бэйэтэ сылдьан, көрөн-истэн устубутун, дууһата өрүкүйбүтүн үллэстибитин туох да солбуйбат. Маннык айаннар киһини сайыннараллар, айылҕалыын алтыһыннаран, дууһатыгар кэрэни кэрэхсиир кылын таарыйаллар, өйүгэр-санаатыгар сотуллубаттыы иҥэн хаалаллар. Онон Уһук Илиҥҥэ дьон интэриэһин тардыахпытын баҕарабыт, — диэн Юрий Трутнев этэр.

Куонкуруска кыттарга Уһук Илин эрэгийиэннэригэр айан туһунан кылгас киинэ, ролик оҥорон, дьүүллүүр сүбэҕэ ыытыллыахтаах. Күрэс маннык түһүмэхтэрдээх: гран-при (бастыҥ айан); сатыы айан (сатыы уонна бэлисипиэтинэн); уунан айан (өрүһүнэн устуу, уу анныгар умсуу, серфинг); кыһыҥҥы айан (хайыһарынан, ат, ыт көлөнөн, бэлисипиэтинэн, сноубординг).

Аан бастаан Уһук Илини арыйааччылар суолларынан айаннаабыт дьоҥҥо ураты болҕомто ууруллар.

Санатар буоллахха, Өймөкөөнтөн Магадан уобалаһын Сэйимчээн сэлиэнньэтигэр диэри атынан айаннаабыт Дугуйдан Винокуров бу куонкурус бириистээх миэстэтигэр тиксибитэ.

Куонкуруска 10 саастаах оҕолортон саҕалаан, улахан дьон кытталлар.

Бырайыак саайта: https://путешественникдв.рф

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 мая
  • 6°C
  • Ощущается: 4°Влажность: 75% Скорость ветра: 3 м/с

Сообщить об опечатке

Текст, который будет отправлен нашим редакторам: