Хаартыска: Үөһээ Бүлүүтээҕи тиэхиньикум саайтыттан
Алтынньы 30 күнүгэр РФ Гражданскай оборуонаҕа министиэристибэтин Приморскай кыраай сүрүн управлениетын бирикээһинэн Владивосток куоракка ыытыллыбыт Уһук Илин уокурукка 2024 сылга «Баҕа өттүнэн бастыҥ баһаарынай сулууспата» уонна «Баҕа өттүнэн бастыҥ бааһаарынайа» номинацияларынан көрүү-күрэх түмүгэ таҕыста.
Күрэххэ Саха сиритэн өрөспүүбүлүкэтээҕи күрэх кыайыылааҕа Үөһээ Бүлүүтээҕи тиэхиньикум хамаандата ситиһиилээхтик кыттыыны ылла. Ол курдук, «Баҕа өттүнэн бастыҥ баһаарынай сулууспата» диэн Уһук Илин уокурукка ыытыллыбыт күрэххэ Үөһээ Бүлүүтээҕи тиэхиньикум хамаандата иккис миэстэни ылары ситистэ.
«Быйыл Кыайыы күнүгэр Саха Өрөспүүбүлүкэтин 5-с №-дээх Баһаарынай быыһыыр сулууспатын сүрүн управлениета «Урал» автоцистернаны Үөһээ Бүлүүтээҕи тиэхиньикумҥа туттарбыта. Ол кэмтэн ыла Үөһээ Бүлүүтээҕи тиэхиньикум баһаарынай чааһа толору хааччыллан, устудьуоннар дьуһуурустубаҕа турар баһаарынай чаастарга көмө буолан, суһал ыҥырыыларга тэҥҥэ сылдьан үөрэхтэрин кэҥэтэр кыахтаммыттара. Бүтүн Уһук Илин уокурук икки ардыларыгар ыытыллыбыт күрэххэ Үөһээ Бүлүүтээҕи тиэхиньикум баһаарынай быыһыыр хамаандата иккис миэстэни ылбыта муҥутуур ситиһии буолар. Үөһээ Бүлүүтээҕи тиэхиньикум дириэктэригэр Матрена Осиповаҕа, тиэхиньикум хамаандатыгар үрдүк ситиһиинэн итиитик-истиҥник эҕэрдэлиибит. Устудьуоннар баһаарынай сулууспаҕа инникитин эрэллээх үлэһит буоллуннар диэн баҕа санаабытын тиэрдэбит, — диэн улуус баһылыга Валерий Николаев ТГ-ханаалыгар иһитиннэрдэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…