Хаартыска sakha.gov.ru ылылынна
Дьокуускайга Каландаришвили уонна Марк Жирков улуссаларын быһа охсуһууларыгар, XVII үйэ бүтүүтүгэр тутуллубут мас тутууттан хаалбыт чааһыгар археологическай хаһыыга туос кырааматалар көһүннүлэр.
Уһук Илиҥҥэ бастакы ураты булумньуну Киров устудьуона Виталий Татаринов булбут. Бу туһунан бэйэтин ТГ-ханаалыгар Ил Дархан Айсен Николаев суруйар.
«XVII үйэтээҕи тоҕус кыраамата көһүннэ. Дьаһаах хомуйуутун туһунан суруллубут, чэрэниилэнэн. Билигин сүрүн сорук — бу сэдэх булумньулары төрүт көрүҥүнэн хаалларыы«, — диэн этэр Айсен Николаев.
«НПО Северная археология» ХЭУо исписэлииһэ Иван Фролов этэринэн, маннык булумньулар олус сэдэхтэр.
«Тоҥ сиртэн буллубут, сиигирбиттэр, кууралларын саҕана алдьаныахтарын сөп. Ыраастыахха, сииктээх эрдэхтэринэ көннөрүөххэ, куурдуохха наада. Хаартыскаҕа түһэрэммит полиграфияҕа исписэлиискэ, история наукатын кандидатыгар Илья Горшковка ыытыахпыт. Кини тиэкиһи көрүө«, — диэн этэр Иван Фролов.
Археолог ХVII үйэ бүтүүтүттэн ХХ-с үйэ 30-с сылларыгар тиийэ хабар 700 чугаһыыр булумньу көстүбүтүн этэр. Булумньуларга — мал-сал, мас уонна туой иһиттэр, XVIII-с үйэ саҕаланыытыттан XIX үйэҕэ тиийэ манньыаттар бааллар.
Санатан эттэххэ, бастакы туос кыраамата Улуу Новгородка от ыйын 26 күнүгэр 1951 с. А.В.Арциховскай салалталаах хамаанда үлэтигэр хаһыыга көстүбүт. Булуллубут кыраамата ахсаана билигин икки тыһыынчаттан тахсыбыт. Балартан 1,3 тыһ. тахсата Новгородка көстүбүттэр. Туос кырааматалар Смоленскайга, Торжокка, Москваҕа, Псковка уонна Арассыыйа атын куораттарыгар көстөн тураллар. Сибииргэ кырааматалары Туруханскайга, Березовоҕа уо.д.а. булбуттара.
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…