Уһук Илиҥҥэ чэпчэтиилээх  көтүү бырагырааматын уһаттылар

Арассыыйаҕа Уһук Илин маршруттарынан чэпчэтиилээх  көтүү бырагырааматын уһатар туһунан уураахха  РФ Бырабыыталыстыбатын Аҕа баһылыга илии баттаата.

Бүгүҥҥү күҥҥэ судаарыстыба 37 хайысханан чэпчэтиилээх көтүү оҥоһулларын өйүүр. Ол иһигэр, Хабаровскай – Дьокуускай, Петропавловск Камчатскай – Южно-Сахалинскай, Владивосток – Чита, Комсомольск-на-Амуре – Благовещенскай туһаайыыларга. Былырыын чэпчэтиилээх көтүү бырагырааматынан 350 тыһыынчаттан тахса киһи туһаммыта.

Чэпчэтиилээх көтүү сыаната — маршрутуттан көрөн биир туһаайыыга көтүүгэ 1 тыһыынча солкуобайтан 10,7 тыһыынча солкуобайга диэри.

 2023 сылга федеральнай бүддьүөттэн 5,9 млрд солкуобай көрүллүөҕэ.