Уһук Илиҥҥэ «Герои Хасана на карте России – Герои Великой Отечественной войны» куонкурус саҕаланна

Куонкуруска 11  сааһыттан үөһээ ким баҕалаах кыттыан сөп. Кыайыылаахтар Приморскай кыраай өйдөбүнньүк сирдэрин кэрийэр, көрөр-истэр кыахтаныахтара. Ону сэргэ справочник уонна сирдэр топонимическай ааттарын ыйар каарта оҥоһуллуоҕа, манна сэрии саҕанааҕы кэм  кыттыылаахтарын ааттара ыйыллыахтара.

Тэрээһин Аҕа дойдуну көмүскээччи  уонна Улуу Кыайыы 80 сылыгар ананар.

Саха сирин историга Валерий Корнилов бэлиэтээбитинэн, 1938 cыллаахха Кыһыл аармыйа кыаҕын тургутуу буолбут.

Авиацияны, тааҥканы, ону сэргэ артиллерийскай кимэн киириигэ уопут быһыытынан буолбут.

«Бу СССР Сэбилэниилээх күүстэригэр уонна инникитин Германияны кытта уоттаах сэриигэ киирсиигэ улахан суолталаах этэ. 26 байыаннай сулууспалаах Сэбиэскэй Сойуус Дьоруойа ааты сүкпүтэ. 6,5 тыһ. киһи уордьанынан, мэтээлинэн наҕараадаламмыта.  «Герои Хасана на карте России – Герои Великой Отечественной войны» куонкурус кыттыылаахтарын үлэлэрэ устуоруйаны үйэтитиэҕэ. Хасан күөлгэ тахсыбыт Сэбиэскэй Сойуус уонна Япония икки ардыларынааҕы сөпсөспөт буолуу сыһыан кыргыһыытын дьоруойдарын тустарынан билиини хаҥатыаҕа», – диэн Валерий Корнилов иһитиннэрдэ.

Куонкурус түөрт хайысхалаах:

– «Хасан күөлгэ  кыргыһыы дьоруойдара —  Аҕа дойду Улуу сэриитин кыттыылаахтара  1941 – 1945 сс. »;

– «1938 сыллаахха Хасан күөлгэ кыргыһыы кыттыылаахтара – Сэбиэскэй Сойуус дьоруойдара»;

– «1938 cыл. Дьахталлар — Хасан күөлүн таһыгар бойобуой дьайыы кыттыылаахтара»;

– «1938 сыл. Хасан күөлгэ  кыргыһыы кыттыылаахтарын дьылҕалара».

Тэрийээччилэр кыттааччыларга   архыып, көрдүүр-чинчийэр уонна айар үлэлэрин араас көрүҥүнэн туттарары сүбэлииллэр. Ол курдук эссе, уочарка, научнай үлэ, живопись, видеоҕа устуу, графическай айымньы, аудиоиспэктээк да буолуон сөп.

Куонкурус онлайн-пуорманан биэс түһүмэххэ ыытыллыаҕа:

– кулун тутар  10 күнүттэн бэс ыйын  30 күнүгэр диэри сайаапкалары уонна үлэлэри тутуу metod@primhistory.ru саҕаланар.

– ыам ыйын  28 күнүттэн бэс ыйын  30 күнүгэр диэри куонкурус хамыыһыйата үлэлиир;

– от ыйын  1-15 күннэригэр – түмүк таһаарыы;

–от ыйын 16 атырдьах ыйын  2 күннэригэр – кыайыылаахтары билиһиннэрии.

–атырдьах ыйын  2 күнүттэн балаҕан ыйын  28 күнүгэр диэри  – кыайыылаахтары уонна кыттааччылары наҕараадалааһын.

Кыайыылаахтары чиэстээһин үөрүүлээх быһыыга-майгыга Владивосток куоракка ыытыллыаҕа.

Сайаапканы манна түһэриэхэ сөп: https://forms.yandex.ru/u/67c00e63eb61464be2a59751/

Куонкурус туһунан бу ссылканан билсиҥ: https://primorsky.ru/authorities/executive-agencies/departments/culture/contests/HS/hasanheroes/?csrftoken=182d8558a9d428600a0307d739677d507b6a2db20f73da85f76ec2134f96403d30e8541c813d19d4