Бырабыыталыстыба хамыыһыйатын президиумун мунньаҕар Уһук Илиҥҥэ инвестиционнай бырайыактары олоххо киллэриини дьүүллэстилэр

Уһук Илин уокурук социальнай-экэнэмиичэскэй сайдыытын боппуруостарыгар мунньаҕы Бырабыыталыстыба Бэрэссэдээтэлин солбуйааччы-РФ Бэрэсидьиэнин боломуочуйалаах бэрэстэбиитэлэ Юрий Трутнев салайан ыытта.

Дьүүллэһии тиэмэтинэн чэпчэтиилээх үбүлээһин көрүҥүнэн судаарыстыба өйөбүлүнэн инвестиционнай бырайыактары олоххо киллэрии тэрээһиннэрэ көрүлүннэ. Мунньахха инвестиция бырайыактарын бартыбыалын анализтааһын түмүгүнэн, туһааннаах тоҕус бырайыактан испииһэгэ оҥоһуллубутун, уонна быйылгы сыл бастакы уонна иккис кыбаарталларыгар үбүлээһин көрүллэрэ наадалааҕа бэлиэтэннэ.

«Бырайыактары олоххо киллэрии экэниэмикэ туруктаах буолуутугар, нэһилиэнньэҕэ тарҕаныытыгар «технология» уонна «туризм» салааларга, маастар-былааннарга тирэҕирэн оҥоһулунна. Ранжирование түмүгүнэн 2025 сылга көрүллүбүт бырайыактар икки ардыларыгар 28 млрд солкуобайы үллэрэргэ этии киллэрэбит», – диэн бэлиэтээтэ РФ Уһук Илин уонна Арктика сайдыытын миниистирэ Алексей Чекунков.

«ВЭБ.РФ» бэрсээдээтэлин солбуйааччы Артем Довлатов иһитиннэрбитинэн, ВЭБ.РФ өттүттэн чэпчэтиилээх үбүлээһини биэриигэ 100 млрд. солк. үбүлээһиннээх алта Уһук Илин эрэгийиэннэрин бырайыактара көрүлүннүлэр уонна өйөннүлэр.

Ону таһынан президиум мунньаҕар Уһук Илиҥҥэ инвестиционнай бырайыактары олоххо киллэрэр юридическай сирэйдэргэ судаарыстыба өйөбүлүн мэхэньииһимин уларытыыга уонна инфраструктураны сайыннарыыга туһуламмыт ороскуоту толуйууну дьүүллэстилэр.