Мария Васильева хаартыската, СИА.
Бу сыл балаҕан ыйыттан Дьокуускай куоракка IT-идэлэргэ үөрэтэр «Школа 21» үлэтин саҕалыаҕа. Бу оскуола хас биирдии үөрэнээччитэ бэйэтэ тус кыраапык оҥостон үөрэнэр кыахтаныаҕа. Ай-ти оскуола Уһук Илин эрэгийиэннэриттэн бастакынан Саха сиригэр аһыллыаҕа.
«Школа 21» дириэктэрэ Александр Федяков биллэрбитинэн, бырайыак дойду үрдүнэн ситиһиилээхтик сайдар. Оскуола үөрэнээччилэрэ баҕарбыт бириэмэлэригэр үөрэниэхтэрин, куодтары оҥоруохтарын сөп. Бу маннык сүүрээн үөрэҕи уонна үлэни дьүөрэлииргэ табыгастаах. Тута бастакы күнтэн кыттааччылар IT-эйгэҕэ киириэхтэрэ.
Дьокуускайга «Школа 21» оскуола өрөспүүбүлүкэ бырабыыталыстыбатын дьаһалынан үлэлиэҕэ. Бүгүҥҥү туругунан, номнуо 500-чэ киһи сайаапка биэрбит. Кинилэртэн 200 киһини талыахтара, сорохтор эһиилги сылга кыттыыны ылыахтара. Кыттааччы ханнык баҕарар идэлээх киһи буолуон сөп. Бу туһунан пресс-кэмпириэнсийэ кэмигэр СӨ цифровой сайдыыга миниистирэ Анатолий Семенов биллэрдэ.
Быраактыка көрдөрөрүнэн, атын куораттарга оскуола выпускниктара үлэ ырыынагар былдьаһыкка сылдьаллар.
Дьокуускайга «Школа 21» «Өрөгөй» успуорт комплексын аттыгар баар «MyTona» хампаанньа урукку дьиэтигэр баар буолуоҕа. Онно өрөмүөн ыытыллара, аныгы тэрилинэн хааччыллара былааннанар.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…
Бүгүн, ыам ыйын 11 күнүгэр, 14.57 ч. Мэҥэ Хаҥалас улууһуттан ЕДДС дьуһуурунайыттан Мэҥэ Хаҥалас улууһун…