Уһук Илиҥҥэ куоластааһын улахан кэһиллиитэ суох буола турар

Уһук Илиҥҥэ куоластааһын хаамыытын тутулуга суох уопсастыбаннай кэтээн көрөөччүлэр хонтуруоллууллар. Федеральнай уокурук үрдүнэн  15 тыһыынчаттан тахса кэтээн көрөөччү үлэлиир. Бу дойду кэтээн көрөөччүлэрин — 7 %-а.

Саха сиригэр быыбар түмүгэр дьайыан сөптөөх кэһиллиилэр билиҥҥитэ тахсыбатылар диэн СӨ Уопсастыбаннй палаатын уопсастыбаннай кэтээн көрөөччүлэрин киинин салайааччы Альбина Черепанова иһитиннэрэр:

— Саха сиригэр кэтээн көрөөччүлэри көхтөөхтүк үөрэтии РФ Госдууматын дьокутааттарын быыбарын иннинэ, 2021 сылтан саҕаламмыта. Билигин Саха сирин Уопсастыбаннай палаатата 2 тыһыынча кэтээн көрөөччүнү үөрэттэ, онтон 700 — кэтэхтэн. Кинилэр быыбардыыр учаастакка кэһиллии тахсыытын кэтииллэр. Аны биллэрдилэр да мобильнай бөлөх онно тиийэр. Бүгүҥҥү күҥҥэ оннук кэһиллии суох.