Салгыы
“Муравьев-Амурскай 2030” судаарыстыбаннай сулууспаҕа салайар каадырдары бэлэмниир бырагыраамаҕа үөрэххэ ылыы саҕаланна

“Муравьев-Амурскай 2030” судаарыстыбаннай сулууспаҕа салайар каадырдары бэлэмниир бырагыраамаҕа үөрэххэ ылыы саҕаланна

08.02.2023, 19:13
Хаартыска: СӨ Ил Дарханын уонна Бырабыыталыстыбатын саайтыттан.
Бөлөххө киир:

Бырагырааманы Уһук Илини уонна Арктиканы сайыннарар РФ министиэристибэтин өйөбүлүнэн, “Уһук Илини уонна Арктиканы сайыннарар корпорация” АУо олоххо киллэрэр.

Бырагыраама сыала – Уһук Илиҥҥэ үлэлиир судаарыстыбаннай сулууспалаахтар салайар хамаандаларын бэлэмнээһин. “Үөрэхтээһин” национальнай бырайыак иитинэн олоххо киирэр, судаарыстыбаннай сулууспаҕа ыччаты бэлэмниир киэҥ далааһыннаах саҥа бырагыраама үлэлээн эрэрин туһунан аан маҥнай 2021 сыллаахха Владивостокка ыытыллыбыт Илиҥҥи экэнэмиическэй пуорумҥа, Арассыыйаҕа Уһук Илини сайыннарар министиэристибэ салайааччыта Алексей Чекунков иһитиннэрбитэ.

Былырыын сүүмэрдээһин буолбута, биир миэстэҕэ 50 киһи куонкурустаспыта. Билиҥҥи кэмҥэ курсааннар үөрэхтэрин бүтэрэн эрэллэр, кинилэртэн сорохторо номнуо үлэҕэ анаммыттар. Уһук Илини уонна Арктиканы сайыннарыы миниистирэ Алексей Ченкунков: “21-с үйэҕэ дойду сайдыытын саамай суолталаах хамсааһыннара дойдубут Уһук Илинигэр тахсыахтара. Бырагыраама көннөрү куонкурус буолбатах, судаарыстыбаннай сулууспаҕа Уһук Илини сайыннарар хамаанда сорҕотунан буолар кыахтаах эдэр салайар каадыры бэлэмниир толору полигон”.

Иккис бөлөххө (поток) судаарыстыбаннай салайыы салаатыгар дириҥ билиини, устуоруйаны, илиҥҥи тыллары үөрэтиигэ, ону кытта судаарыстыбаннай сорудаҕы быһаарарга прикладной үнүстүрүмүөннэри туһанан судаарыстыбаннай структураны уонна  Уһук Илин федеральнай уокурук эрэгийиэннэрин толору үөрэтэр сыллааҕы үөрэх бырагыраамата 7 модултан турар.

Бу бырагыраамаҕа үөрэнэ киирбит дьон, губернатордар куратордыыр уонна кинилэр хамаандалара олоххо киллэрэр суолталаах бырайыактарын эрэгийиэннээҕи бырайыактыыр хамаандаларын сорҕотунан буолуохтара.

“Муравьев-Амурскай 2030” бырагырааманан үөрэнии босхо, үөрэхтэрин бүтэрдэхтэринэ Сколково салайар управлениеттан идэ хайысхатын уларытыы дьупулуомун тутуохтара, судаарыстыбаннай сулууспалаахтар эрэсиэрбэлэригэр киириэхтэрэ, ону тэҥэ, Уһук Илин эрэгийиэннэрин судаарыстыбаннай сулууспаларыгар уонна сайыннарар институттарыгар үлэҕэ киириэхтэрэ.

Кыттааччыларга ирдэбил: РФ гражданнара,  21-35 диэри саас, үрдүк үөрэх (магистратура уонна (эбэтэр) специалитет), судаарыстыбаннай сулууспаҕа үлэлииргэ бэлэм.

Бырагыраама туһунан сиһилии https://муравьевамурский-2030.рф/ 2023 сыл кулун тутар 15 күнүгэр диэри билсиэххитин уонна сайаапкаҕытын ыытыаххытын сөп.

СӨ Ил Дарханын уонна Бырабыыталыстыбатын пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 марта
  • -16°C
  • Ощущается: -16°Влажность: 72% Скорость ветра: 1 м/с

Сообщить об опечатке

Текст, который будет отправлен нашим редакторам: