Хаартыска: Мария Васильева, СИА
Арассыйа былааҕын күнүгэр Дьокуускайга Чочур Мурааҥҥа Уһук Илин уокурук үрдүнэн саамай улахан Арассыыйа былааҕын тэниттилэр.
Баара-суоҕа биэс хонук иһигэр 35*23 миэтэрэ кээмэйдээх Арассыыйа былааҕын Дьокуускай куорат Сайсары уокуругун дьахталларын Сэбиэтин көхтөөх чилиэттэрэ оҥордулар. Бу түгэни Арассыыйа рекордун кинигэтигэр регистрациялыахтара диэн СИА кэпсиир.
«Бу идиэйэ Сайсары уокуругун дьахталларын Сэбиэтин кэлэктиибин иһигэр көтөҕүллүбүтэ. Биэс хонук иһигэр маннык улахан былааҕы тигэн оҥордубут. Биһиги былааҕы икки төгүл тиктибит. Бастакы сырыыбытыгар 30*20 миэтэрэ кээмэйдээх оҥорбуппут. Онтубут Уһук Илиҥҥэ маннык кээмэйдээх былаах оҥоһуллубута ырааппыт эбит, онон биһиги бу рекорду куоһарарга быһаарыы ылыммыппыт. Бэҕэһээ былаахха эбии биэс уонна үс миэтэрэ эбэн биэрдибит», — диэн Дьокуускай куорат Сайсары уокуругун дьахталларын Сэбиэтин бэрэссэдээтэлэ Матрена Угапьева кэпсээтэ.
Тэрээһиҥҥэ Дьокуускай уокуруктааҕы дьаһалтатын салалтата, уопсастыбанньыктар уонна Сайсары уокуругун управатын үлэһиттэрэ кытыннылар. «Дьокуускай куоракка, Бүтүн Арассыыйа үрдүнэн, Арассыыйа былааҕын күнүн бырааһынньыга ыыттыллар. Үс өҥнөөх былаах төрөөбүт дойдуга тапталы, киэн туттууну көрдөрөр. Биһиги хас биирдиибит киэн туттуу уонна түмсүү иэйиитин тургутабыт», — диэн бэлиэтээтэ Дьокуускай мэрэ Евгений Григорьев.
“Өбүгэ ситимэ” норуот эмчиттэрин түмсүүтүгэр айылҕаттан айдарыылаах араас дьон баар. “Өбүгэ ситимэ” норуот эмчиттэрин түмсүүтүн…
Быйыл балаҕан ыйыгар аан маҥнай аһыллар, өрөспүүбүлүкэ биир элбэх үөрэнээччилээх, М.Е.Николаев аатын сүгэр Дьокуускай куорат…
Сибиирдээҕи федеральнай уокурук эрэгийиэннэригэр күүстээх сөҥүү түһүөҕэ, оттон Саха сиригэр хаһыҥ түһэрэ күүтүллэр. Бу туһунан…
Бу күннэргэ Мэҥэ Хаҥалас улууһун Ходоро нэһилиэгин Чүүйэ Эбэ алааһыгар "Ходуһа хоһууттара-2025" илии хотуурунан оту…
Бүлүү оройуоннааҕы суута улуус 20 саастаах олохтооҕо ааптар быраабын сокуону кэһэн туран туһаммытын иһин кинини…
Арассыыйаҕа хааччахтаммыт ресурсаларга, ол иһигэр бобуулаах социальнай ситимнэргэ угуйугу сакаастааһын эбэтэр таһаарыы иһин 500 тыһыынчаҕа…