Салгыы
Уһук Илиҥҥэ салайар каадырдары бэлэмниир бырагыраамаҕа сайаапкалары түһэрдилэр

Уһук Илиҥҥэ салайар каадырдары бэлэмниир бырагыраамаҕа сайаапкалары түһэрдилэр

23.03.2023, 15:21
Хаартыска: бырагыраама сайтыттан
Бөлөххө киир:

Уһук Илиҥҥэ салайар каадырдары бэлэмнииргэ “Муравьев-Амурскай 2030” бырагыраама иккис түһүмэҕэр 3305 киһи сайаапка түһэрдэ.

Арассыыйа 81 эрэгийиэниттэн регистрация ахсаанынан топ-эрэгийиэҥҥэ Бурятия Өрөспүүбүлүкэтэ, Приморье кыраайа, Москва, Хабаровскай кыраай, Амурскай уобалас, Саха Өрөспүүбүлүкэтэ, Еврейскай автономнай уобалас, Сахалин уобалаһа, Санкт-Петербург, Москва уобалаһа киирдилэр.  

Бу түһүмэххэ сүүмэрдээһин уратытынан куонкуруска үрдүк интэриэһи тардыы уонна бырагыраамаҕа атын федеральнай уокуруктар  олохтоохторун интэриэһин улаатыннарыы буолар.

Уһук Илин уонна Арктика сайдыытын  миниистирэ, “Муравьев-Амурскай 2030” бырагыраама настаабынньыктарын сэбиэтин баһылыга Алексей Чекунков:

«Уһук Илин  — бу ураты сир. Бу сир хайдах сайдарыттан биһиги дойдубут инникитэ тутулуктаах. Бэлиэтээн эттэхпинэ, хандьыдааттар истэригэр  байыаннай эпэрээссийэ бэтэрээннэрэ эмиэ бааллар. РФ бэрэсидьиэнин Туһаайыытын түмүктэринэн эрэннэриллибитин курдук, кинилэргэ приоритет көрүллэр”, — диэн бэлиэтиир.

Хандьыдааттары сүүмэрдээһин ыраахтан түһүмэҕэ күүтэр, онно видео-билиһиннэрии уонна бырагыраама платформатыгар  тиэст киирэллэр. Түмүккэ  200-чэ кыттааччы сүүмэрдэниэҕэ. Салҕыы үөрэх бырагырааматыгар киллэриллиэхтэрэ. Үөрэх бастакы күннэриттэн сүүмэрдэммит курсааннар  Уһук Илиҥҥэ олоххо киллэриллэ сылдьар бырайыактарга кыттыахтара.

Үөрэх бырагыраамата Уһук Илиҥҥи эрэгийиэн уратытын учуоттаан оҥоһулунна, килиимэт усулуобуйата, эрэгийиэннэр социальнай уонна экэниэмиэкэҕэ уратылара учуоттанна.

2022 сыллаахха бастакы сүүмэрдээһин ыытыллыбыта, куонкуруска  биир миэстэҕэ 50 киһи баара.  Билигин бастакы түһүмэх курсааннара үөрэнэн бүтэн эрэллэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: