Хаартыска: СӨ Ил дарханын иһинэн Архитектура уонна куораты тутуу управлениетын хаартыската
Арассыыйа Тутууга министиэристибэтэ 2023 сылга табыгастаах куорат эйгэтин бастыҥ бырайыактарыгар Бүтүн Арассыыйатааҕы куонкурус саҥа быраабылатын билиһиннэрдэ. Быйыл Уһук Илин ФУо субъектарыгар муус устар 1 күнүгэр уонна балаҕан ыйын 5 күнүгэр сайаапкалары биэрэр болдьохтоох икки куонкурус барыаҕа.
82 кыайыылаах 2023-2024 сылларга тупсаран оҥоруу бырайыактарын олоххо киллэриигэ үбүнэн граны ылыаҕа. 2023 сылга 3100 мөл солк. көрүллүөҕэ, 2024 сылга – 5000 мөл солкуобай. Кыттар быраабы куораттааҕы уонна тыа сирин нэһилиэнньэлэрэ – куорат статуһа суох нэһилиэнньэлээх пууннар, 5 тыһ диэри ахсааннаах нэһилиэнньэлээх пууннар ылаллар, ону тэҥэ “дьоҕус куораттар” – 250 тыһ диэри ахсааннаах куорат статустаахтар.
Кулун тутар 1 күнүгэр Хабаровскай куоракка саҥа куонкуруска бастакы олохтуур сэминээр буолбута. Онно Саха сирин куорат эйгэтин боппуруостарыгар компетенциятын киинин LETO салайааччыта Ирина Маркина кытынна.
Сэминээр тэрийээччилэринэн Арассыыйа Тутууга министиэристибэтэ уонна Арассыыйа Илиҥҥи сайдыыга министиэристибэтэ кытыннылар. Спикеринэн куонкурус тэрийэр кэмитиэтин бэрэстэбиитэллэрэ, компетенциялар эрэгийиэннээҕи кииннэрэ уонна муниципальнай тэриллиилэр бэрэстэбиитэллэрэ, ону тэҥэ куораттары уонна сири-уоту сайыннарыыга исписэлиистэр буоллулар. Кинилэр Бүтүн Арассыыйатааҕы куонкуруска кыттыыларын уопутун, сайаапкалары бэлэмнээһин, олор ис тутулларын, ону тэҥэ эспиэрдэр тутуһар киритиэрийдэрин туһунан санааларын атастастылар. Амур уобалаһын, Саха Өрөспүүбүлүкэтин, Владивосток к. Уопсастыбаннай эйгэлэр дириэксийэлэрин эрэгийиэннээҕи кииннэрэ сайаапканы оҥоруу, бырайыагы олоххо киллэрии туһунан кэпсээтилэр.
Саха сирэ тупсаран оҥоруу кэлимсэ бырайыактарын олоххо киллэрэргэ уопуттаах. Ирина Маркина этэринэн, биэс сыл устата кытталларыгар өрөспүүбүлүкэ 11 кыайыылаах, федеральнай үбү тардыы суумата 625 мөл солк. тэҥнэһэр.
“Бастыҥ муниципальнай быраактыкалар испииһэктэригэр киирбит Бүтүн Арассыыйатааҕы куонкурус кыайыылаахтарын (Покровскай к., Ньурба к., Орто Халыма к.) Бүтүн Арассыыйаатааҕы 2019-2022 с. куонкурустарын кыайыылаахтарын бырайыагын олоххо киллэриигэ Саха сирин куораттарын ситиһиилэрэ муниципальнай автономнай тэрилтэлэри тэрийиигэ буолар. МАУ – балар эбийиэктэри олоххо киллэриигэ көмөлөһөллөр”, — диэн бэлиэтээтэ кини.
Сэминээр тэрийээччилэрэ бэлиэтииллэринэн, чуолаан, “Арассыыйа Тутууга министиэристибэтин бырайыактыыр дириэксийэтэ“ ФАУ “Табыгастаах куорат эйгэтин үөскэтии” бырайыагы салайааччы Джемал Сурманидзе бэлиэтииринэн, Саха сирэ сыл ахсын дойдуга тупсаҕай оҥоруу бастыҥ бырайыактарын көрдөрөр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын пресс-сулууспата
Сэтинньи 22 күнүгэр Дьокуускай куоракка биир дойдулаахпыт, киэн туттар киһибит, Саха Өрөспүүбүлүкэтин өрөгөйүн ырыатын хос…
Сэтинньи 23 күнүгэр Усуйаанатааҕы ЕДДС Уйаандьы сэлиэнньэтин баһылыгын солбуйааччытыттан икки киһи сүппүтүн туһунан суһал иһитиннэрии…
Аммалар күндү күтүөттэрэ, Бөтүҥ нэһилиэгин олохтооҕо, тимир ууһа Георгий Олесов-Дьулус Уус сөбүлүүр дьарыга киниэхэ аҕатын…
Сэтинньи 19-23 күннэригэр Москваҕа П.И.Чайковскай аатынан консерваторияҕа эдэр пианистарга норуоттар икки ардыларынааҕы II куонкурус үрдүк…
Соторутааҕыта «Айар Кут сойуус» уонна Нам улууһун «Отуу уота» суруйааччыларын, хоһоонньуттарын түмсүүлэрин чилиэнэ, үлэ бэтэрээнэ…
Былыр-былыргыттан сахалар оҕо төрөөн киһи-хара буолуор диэри оҕолорун олохторун ырыҥалыыллара. Саастарын ситтилэр даҕаны ыал оҥортуурга…