Уһук Илиҥҥэ улахан тымныылар тохсунньу бүтүүтэ түһүөхтэрэ

Быйыл кыһын Уһук Илиҥҥэ сылаас буолуо диэн этэллэр. Ити туһунан “Фобос” киин исписэлииһэ Евгений Тишковец бэйэтин телеграм ханаалыгар иһитиннэрэр.

“Арассыыйаҕа күүстээх, киэҥ сири тайыыр хабараан тымныылар тохсунньу бүтүүтэ – олунньу саҥатыгар түһүөхтэрэ, дойду үс гыммыт иккитигэр, ордук Сибииргэ уонна Уһук Илиҥҥэ”, – диэн исписэлиис суруйар.

Күнү-дьылы көрдөрөр каарта Уралга уонна Арҕаа Сибииргэ 3-6 кыраадыһынан, дойду киин өттүгэр 2-3 кыраадыһынан сылаас буолара сабаҕаланарын ыйар.

Саха сирин олохтоохторо халлаан сылааһын биһирээтилэр, “кыһыммыт өрүү маннык” буоллар дэһэллэр. Ол эрээри, исписэлиис иһитиннэрбитинэн, ахсынньыга тымныы түспэтэҕин тохсунньу бүтүүтүгэр — олунньу саҥатыгар ситиһэрэ сабаҕаланар.