Хаартыска: СИА
Ахсынньы 8 күнүгэр Уһук Илиннээҕи улахан квест кыайыылаахтарын наҕараадалааһын онлайн көрүҥүнэн ыытылынна. Саамай элбэх баалы ылбыт 9 кыайыылаах сүрүн бирииһи — Уһук Илин устун айан путевкатын туттулар. Кинилэртэн биирдэстэрэ — Валерия Кувашова Саха сиригэр кэлэр путевканан наҕараадаланна.
Кини Саха сиригэр кэлэн, ураты сирдэргэ сылдьыаҕа. Холобур, сайыннары ирбэт «Булууска» тиийиэҕэ.
Бу Улахан квестка быйыл 3058 киһи кытынна. Бу тэрээһин Москваҕа Уһук Илин эрэгийиэннэрин күнүгэр ыытыллар.
Иккис түһүмэххэ 27 финалист таҕыста. Сэрэбиэй түмүгүнэн кинилэр 9 эрэгийиэннээҕи бөлөхтөргө арахсан, кииристилэр. Ол эбэтэр, Уһук Илин биир эрэгийиэнигэр путевка иһин үстүү киһи кииристэ. Финалистар «Мин тоҕо Уһук Илиҥҥэ барыахпын баҕарабыный?» диэн ыйытыыга хоруйдаан, видеоролик оҥорон ыыппыттара. Онуоха кыайыылаахтары саайтка аһаҕас куоластааһын түмүгүнэн быһаарбыттара https://quest.ddv.moscow
Квест кыайыылаахтара ол курдук Бурятияҕа, Амурскай, Магаданскай, Сахалинскай уобаластарга, Камчатскай, Забайкальскай, Приморскай, Хабаровскай кыраайдарга барыахтара.
Бу квест Москваҕа «Уһук Илин эрэгийиэннэрин күнүгэр» патриотизмҥа иитэр-үөрэтэр тэрээһиннэр чэрчилэринэн ыытыллар. Уһук Илин күннэрин бэрэсидиэн Уһук Илиҥҥэ боломуоучуйалаах бэрэстэбиитэлин аппараатын, Уһук Илини, Арктиканы сайыннарыы министиэристибэтин, Уһук Илини, Арктиканы сайыннарыы корпорациятын көҕүлээһиннэринэн тэриллэр. Тэрээһиннэри «Фонд развития социальных инициатив» кэмиэрчэскэйэ суох тэрилтэ тэрийдэ.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…