https://www.sakha.gov.ru/
Сомоҕолоһуу күнүгэр Москваҕа «Уһук Илиҥҥи экспресс» пуойас ахсыс төгүлүн Арбатскай-Покровскай лииньийэҕэ таҕыста. Бырайыак «Уһук Илин күннэрэ — Москваҕа» бырагыраама иитинэн ыытыллар уонна пассажирдары Уһук Илин федеральнай уокурук 11 эрэгийиэнин айылҕатын, култууратын уонна экэниэмикэтин билиһиннэрэр соруктаах.
Пуойас лииньийэҕэ тахсыытын үөрүүлээх сиэригэр-туомугар Уһук Илини уонна Арктиканы сайыннарыы корпорациятын генеральнай дириэктэрэ Николай Запрягаев кыттыыны ылла.
-«Уһук Илиҥҥи экспреһи» үлэлэтии үтүө үгэскэ номнуо кубулуйда. Быйыл пуойас ахсыс төгүлүн лииньийэҕэ таҕыста. Москва метротун пассажирдарын Уһук Илин 11 эрэгийиэнин айаҥҥа ыҥырар. Биһиги Москва олохтоохторугар уонна ыалдьыттарыгар кэрэ-бэлиэ Уһук Илин сирин, кини тугунан киэн туттарын уонна аатырарын туһунан кэпсиэхпитин баҕарабыт. Кэрэ айылҕатын уонна Уһук Илиҥҥэ олорор күүстээх санаалаах дьонун туһунан. Онно ханнык киэҥ далааһыннаах бырайыактар үлэлэрин саҕалыылларын уонна бөдөҥ тэрилтэлэр аһыллан эрэллэрин туһунан, – диэн РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиннээҕи федеральнай уокурукка боломуочуйалаах бэрэстэбиитэлэ Юрий Трутнев эттэ.
Санатан эттэххэ, Москваҕа «Арассыыйа» киинигэр сэтинньи 1 күнүттэн 30-гар диэри Уһук Илин күннэрэ ыытыллыахтара. Анал быыстапка экспозицията эрэгийиэн кыахтарын билиһиннэриэҕэ. Тэрээһиннэр сүрүн тиэмэлэринэн үөрэх, бэйэни сайыннарыы кыахтара, социальнай-экэнэмиичэскэй сайдыы уонна Уһук Илин эрэгийиэнигэр туризм буолуохтара.
Сиһилии https://www.sakha.gov.ru/news/14903
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…