Хаартыска: sakha.gov.ru
Уһук Илиҥҥи уон биир эрэгийиэн бары ДНР-ы чөлүгэр түһэрэр үлэҕэ кытталлар.
2022-2024 сылларга Донецкай Норуодунай Өрөспүүбүлүкэ 24 нэһилиэнньэлээх пуунугар 841 эбийиэк өрөмүөннэммит. Быйыл 161 эбийиэги туттарыы былааннанар.
Донецкай Норуодунай Өрөспүүбүлүкэҕэ Уһук Илиҥҥи эрэгийиэннэр шефтэһэр сирдэригэр социальнай инфраструктура эбийиэктэрин чөлүгэр түһэрэр үлэлэрин РФ Бырабыыталыстыбатын Бэрэссэдээтэлин солбуйааччы – Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев бэрэбиэркэлээтэ. Бырабыыталыстыба бэрэссэдээтэлин солбуйааччы оробуочай сырыытын кэмигэр Докучаевскай, Дебальцево уонна Шахтерскай куораттарга сырытта, диэн СӨ официальнай информационнай портала иһитиннэрэр.
Былырыын Саха сирэ Докучаевскай куорат уокуругун сиригэр-уотугар баар гражданскай социальнай инфраструктураны чөлүгэр түһэриини саҕалаабыта. 2024 сыл түмүгүнэн Саха сирэ 65 эбийиэккэ былааннаабыт өрөмүөннүүр үлэтин барытын бүтэрбитэ. Суол ситимин, байыаннай дьайыы саҕаланыытыгар украинскай фашистар буомбалааһыннарыттан эмсэҕэлээбит 53 олорор дьиэни чөлүгэр түһэрбиттэр. 1700-чэкэ түннүгү туруорбуттар, алта дьиэ үрдүн өрөмүөннээбиттэр. Докучаевскай куорат уокуругун Еленовка бөһүөлэгэр баар Култуура дьиэтигэр хапытаалынай өрөмүөн оҥоһуллубут.
2025 сылга өрөмүөн үлэтэ спортивнай комплекска, бассейҥҥа, куорат пааркатыгар уонна Галанскай уулуссанан барар уу турбатыгар салҕанар. Үс пааматынньыгы чөлүгэр түһэрии, икки улахан суолталаах эбийиэккэ – ыччат киинигэр уонна оҕо айымньытын дьиэтигэр хапытаалынай өрөмүөн саҕаланна. Уопсайа сыл устата 11 эбийиэккэ чөлүгэр түһэрии үлэтэ былааннанар. Ол иһигэр Докучаевскайга аныгы сыыппара эйгэтин саҥа кыахтарын кытта билсэллэригэр ыччакка олус наадалаах IT-кииннээх Ыччат киинин тэрийэр үлэ былааннанар. Кииҥҥэ Саха сиригэр оҥоһуллан, олоххо киллэриллибит бастыҥ үлэлэри киллэриэхтэрэ.
Бассейннаах “Доломит” спорткомплексы тутуу бүтэһик түһүмэҕэр сылдьар. Куоракка бу соҕотох спорткомплекс. Үлэ түмүктэннэҕинэ, саҥа тренажердары туруоруохтара. Билигин комплекс 90%-тан тахсата бүтэн турар, сүрүннээн тупсарыы үлэтэ хаалбыт. Спорткомплексы ыам ыйын бырааһынньыктарыгар аһар былааннаахтар.
Саха сирэ олохтоохторго ураты болҕомтотун уурар. Байыаннай дьайыы саҕаланыаҕыттан Саха сирин быраастара саҥа эрэгийиэннэргэ куруук сылдьаллар, мэдисиинискэй көмөнү оҥороллор. 2024 сыл кулун тутарыттан Докучаевскайга тохтоло суох Саха сирин быраастарын биригээдэтэ үлэлиир. Кинилэр 874 эпэрээссийэни оҥордулар, хирурдар уонна травматологтар 591-ри, харах быраастара – 283. Кинилэр нэһилиэнньэҕэ көмөлөһөр эрэ буолбатахтар, бэйэлэрин уопуттарын киин куорат балыыһатын эмчиттэрин кытта хото үллэстэллэр.
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…