Хартыына СӨ Баһылыгын уонна Бырабыыталыстыбатын пресс-сулууспатыттан
Уһук Илиҥҥи федеральнай уокурукка киирэр эрэгийиэннэргэ экэниэмикэ үүнэр кииннэрин социальнай сайдыытын былааннарын олоххо киллэрэргэ эбии 1,3 млрд. солкуобай көрүллүөҕэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Үбүлээһин Саха сиригэр, Бурятияҕа, Забайкальскай, Камчатскай, Приморскай уонна Хабаровскай кыраайдар, ЕАУо уонна Чукотскай автономный уокуруктарга оҥоһуллуоҕа. Бу туһунан дьаһалга РФ Бырабыыталыстыбатын бэрэссэдээтэлэ Михаил Мишустин илии баттаата.
Саха сиригэр ити ыйыллыбыт үп чэрчитинэн 114,6 мөл. солк. көрүллэн турар. Бу үп судаарыстыба өттүттэн технологическай табаары оҥорон таһаарааччылары өйүүр дьаһаллары олоххо киллэрэргэ уонна табаары атыылаһыыга («Патриотическай» ТОР) тыырылынна.
Бырабыыталыстыба 2018 сылтан ыла Уһук Илиҥҥи эрэгийиэннэр экэниэмикэлэрин социальнай сайдыыларын былааннарын олоххо киллэриилэрин өйүүр.
Маннык өйөбүл бырагыраамата дойду бэрэсидьиэнэ Владимир Путин көҕүлээһининэн саҕаламмыта. Кини сүрүн сыала-соруга – куораттары уонна сэлиэнньэлэри аныгылыы уонна тупсаҕай оҥоһуулаах буолалларын ситиһии. Федеральнай үбүлээһин көмөтүнэн, ааспыт алта сыл устата Уһук Илиҥҥи федеральнай уокурук эрэгийиэннэригэр сүүһүнэн социальнай, инженернэй, куорат уонна тырааныспар инфраструктураларын эбийиэктэрэ тутулуннулар уонна өрөмүөннэннилэр, ол иһигэр оҕо уһуйааннара, оскуолалар, балыыһалар, успуорт уораҕайдара, суоллар уонна хочуолунайдар үлэҕэ киирдилэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…