Хаартыска: Марат Залялов тиксэриитэ.
Гектары бас билэллэринэн эрэ муҥурдаммакка, манна биисинэстэрин саҕалаан эрэр дьон элбээтэр элбээн иһэллэр.
Нам улууһугар Пестряковтар дьиэ кэргэннэрэ бириэмэни туһалаахтык атаарар, сынньанар сири тэрийбиттэр. “Үрүҥ күөл” диэн дьону ыалдьыттатар дьиэни арыйбыттар. Бырайыак уратытынан гостиницаны кытта кэккэлэһэ турар собо түмэлэ буолар. Ыалдьыттар балыктааһын устуоруйатын, олохтоох оҥоһук үгэстэрин уонна уратыларын билсиһэллэрин тэҥэ, соботтон араас бүлүүдэлэри оҥорор маастар-кылааска кыттыахтарын сөп.
2021 сыллаахха Амма улууһугар Марат Залялов мүөттээх ыҥырыаны тутан, мүөт оҥоруутунан дьарыктанан барбыта. Бүгүн кини пасекалара үс улууһунан бааллар. Араас оттон Амма мүөтүн оҥорор, ону таһынан Горнай улууһугар, Өлүөнэ хочотугар үүнэр оттортон эмиэ ураты мүөтү ылар.
Мииринэй оройуонун Айхал бөһүөлэгин олохтооҕо Виктор Витеско учаастагар сөптөөх салгыны уонна сииги тутар автоматическай килиимэт-систиэмэлээх технологичнай тэпилииссэни туппут. Манна оҕуруот аһа кыһынын кытта үүнэр.
Хаҥалас улууһугар “Ямщицкое подворье” диэн этнографическай туристическай комплекска дьаамсыктар ураты олохторун-дьаһахтарын, култуураларын билиһиннэрэллэр. Манна сыл ахсын “Ямщицкий перезвон” этнографическай бэстибээл ыытыллар.
Горнай улууһун Бэрдьигэстээх сэл. Агеевтар дьиэ кэргэннэрэ дьиэ кэргэнинэн сынньанар “Маатта” турбаазаны үлэлэтэллэр. Кинилэр холобурдарын Алексеевтар эдэр ыал батыһан, дьиэ кэргэн биисинэһин тэриммиттэр, гектардарыгар “Шишки” турбаазаны аспыттар.
Саха сирин олохтоохторо гектардарыгар туристическай баазалары, кемпиннэри, сынньалаҥ баазаларын хото аһаллар. Үүнээйини үүннэрэллэр, мүөттээх ыҥырыаны, сүөһүнү иитэллэр, атын да көрүҥүнэн дьарыктаналлар. Сорохтор олорор дьиэ тутталлар, хаһаайыстыбаларын тэринэллэр. Бу туһунан Ил Дархан, бырабыыталыстыба пресс-сулууспата иһитиннэрэр.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …