Уһук Илиҥҥи гектары ылыыга

“Саха сирэ” хаһыакка араас ис хоһоонноох ыйытыылар киирэллэр.

– Хас учаастагы сайаапкалаан ылыахха сөбүй? Ол сир төһө улахан иэннээх буолуон сөбүй?

Сиргэ сыһыаннаах ыйытыыларга СӨ Баайга-дуолга уонна сиргэ сыһыаннаһыыга министиэристибэтин сир бэлиитикэтигэр департаменын кылаабынай исписэ­лииһэ Ариян Боронов эппиэттээтэ:

– РФ гражданиныгар сир учаастагын босхо туһаныыга  биирдэ эрэ бэриллэр. Сир учаастагын иэнэ биир гектартан улахан  буолуо суох­таах (10000 кв.м), ыйыллыбыт кээмэйтэн кыра да буолуон син.

– Босхо туһаныы биэс сыллаах дуогабара бүттэҕинэ, сир учаастагын хайыылларый?

– Сир учаастагын 5 сыл босхо туһаныы дуогабарын болдьоҕо туоллаҕына, хас да көрүҥ баар. Ол курдук, сир учаастага гражданин баҕатынан уһун болдьохтоох арендаҕа бэриллиэн сөп. Эбэтэр бас билиитигэр босхо.