Хаартыска: РФ бырабыытыластыбатын сайтыттан
Арассыыйа бырабыыталыстыбата ыам ыйын 23 күнүнээҕи мунньаҕар Уһук Илиҥҥи федеральнай уокурукка урбаан эйгэтин сайыннарыы, онно көмөнү ыытыы боппуруостарын көрдө.
Мунньахха бырабыыталыстыба бэрэссэдээтэлэ Михаил Мишустин бу эрэгийиэннэргэ нолуокка уонна табаардары кыраныыссанан туоратыыга чэпчэтиилэр киирбиттэрэ, урутаан сайдар сирдэри, Владивосток пуордун сайыннарыыга төһүү буолбуттарын иһитиннэрдэ.
— Уһук Илиҥҥи урутаан сайдар сирдэргэ инвестордары тардар, бырайыактары олоххо киллэриигэ табыгастаах усулуобуйаны тэрийэр туһугар бырабыыталыстыба эрдэ нолуокка уонна кыраныыссаны туорааһыҥҥа чэпчэтиилэри киллэрэн турар. Ону таһынан уон сылга страховой төлөбүрдэрэ сэттэ бырыһыаҥҥа диэри кыччаабыта. Маны кинилэр үс сылга диэри тардан биэриэхтэрин сөп. Ол эбэтэр үс сыл устата бэйэлэрин баазаларын, инфраструктураларын оҥостон баран, анал чэпчэтиинэн туһаныахтарын сөп, — диэн этэр Михаил Владимирович.
Бу анал чэпчэтиинэн урутаан сайдар сирдэр резиденнерин быһыытынан 2023 сыл тохсунньутуттан регистрацияламмыт урбаанньыттар туһанар эбит буоллахтарына, билигин бары туһанар кыахтаныахтара.
— Арассыыйа бэрэсидьиэнин дьаһалынан билигин бу чэпчэтии былырыыҥҥы сыл иннинэ регистрацияламмыт предпринимателлергэ эмиэ киириэҕэ. Урбаанньыттар мантан кэмчилээбит үптэрин оҥорон таһаарыыны хаҥатыыларыгар, бородууксуйаларын үксэтэллэригэр ыытыахтарын сөп, — диэн бэлиэтиир премьер-миниистир.
"Дойду бэрэсидьиэнэ Владимир Путин пресс-кэмпириэнсийэтин сүрүн түгэннэриттэн биир дьоһуннаахтарынан, мин санаабар, доруобуйа харыстабылын салаатын каадырдарынан…
Ил Дархан Айсен Николаев быйылгы сыллааҕы түмүктэри таһаарар пресс-кэмпириэнсийэтэ бүгүн, ахсынньы 22 күнүгэр, саҥа үлэҕэ…
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…