СӨ Силиэстийэлиир кэмитиэтин хаартыската
Ааспыт сыл тохсунньутугар Дьааҥы улууһун Томтор нэһилиэгэр киһи өлүүлээх иэдээн тахсыбыт. Ол курдук Саҥа дьыл үүммүт түүнүгэр хас да дьахтар уонна эр дьон буолан, Саҥа дьыл бырааһынньыгын бэлиэтээри мустубуттар.
Арыгы иһэн баран, бырааһынньык кэмигэр икки убайдыы-бырааттыы уонна дьиэлээх хаһаайын тыл-тылларыгар киирсибэккэ кыыһырсан турбуттар. Кыыһырсыы түмүгэр дьиэлээх хаһаайын саатын харбаан ылбыт уонна кыыһырсыбыт киһитин эккирэтэн таһырдьа тахсыбыт уонна саанан ыппыт. Улахан эчэйииттэн саанан ытыллыбыт ыалдьыт тута тыына быстыбыт. Ол киһи аны саатынан ыалдьыттартан биирдэстэрин массыынатын охсон тааһын, тас куузабын алдьаппыт. Ити кэмҥэ халлаан 62 кыраадыс тымныы эбит. Бииргэ төрөөбүтүн көмүскэһээри атах сыгынньах таһырдьа сүүрэн тахсыбыт киһи атаҕын үлүтэн балыыһаҕа киирбит. СӨ Силиэстийэлиир кэмитиэтэ иһитиннэрбитинэн, иэдээн буолбут сиригэр силиэдэбэтэллэр буруйдуур бириигэбэргэ дакаастабылы булаары силиэстийэлиир үлэн ыыппыттар. Ол курдук Дьааҥы улууһун Томтор нэһилиэгин 50 саастаах олохтооҕо, Арассыыйа Федерациятын Холуобунай кодексатын 105 ыст. 1 чааһынан киһини өлөрүү иһин уонна 167 ыст 1 чааһынан киһи бас билиитин соруйан алдьатыы иһин Холуобунай дьыала тэриллэн бириигэбэр тахсан, суут уурааҕынан аҕыс сылга кытаанах эрэсиимнээх хаайыы болдьоҕор ууруллубут. Онон аһыы утаҕы култууралаахтых иһэр ордук этэ.
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Күн астрономиятын лабораторията ахсынньы 24 күнүнээҕи геомагнитнай хамсааһын сабаҕалааһынын таһаарда. Лаборатория дааннайдарынан, ахсынньы 24 күнэ…
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…