Хаартыска: pxhere.com
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы өрөбүллэргэ эрэ күүтүллэр. Маннык сабаҕалааһыны Куйаар чинчийиилэрин институтун Күн астрономиятын лабораториятын уонна АНА Сибиирдээҕи салаатын Күн-Сир физикатын институтун учуонайдара оҥороллор.
Геомагнитнай хамсааһын от ыйын 12 күнүгэр киэһэлик саҕаланыа. Магнитнай буурҕа от ыйын 19 күнүгэр диэри салҕаныа, онтон көрдөрүүлэр нуормаҕа төннүөхтэрэ. Ол эрээри, икки хонугунан Саха сиригэр өссө күүстээх буурҕа эргиллиэҕэ.
Соторутааҕыта учуонайдар от ыйынааҕы сабаҕалааһыны чопчулаатылар. Билиҥҥи туругунан, от ыйын 22-23 күннэригэр магнитнай буурҕалар түһэллэрэ күүтүллэллэр. Сир магнитосфератын уларыйыыта уруккутун курдук от ыйын 21, 28 уонна 29 күннэригэр күүтүллэр. Ол да буоллар, учуонайдар бэлиэтииллэринэн, уһун болдьохтоох сабаҕалааһыннар Күҥҥэ билиҥҥи балаһыанньаттан тутулуктанан улаханнык уларыйыахтарын сөп.
Геомагнитнай уларыйыылар кэмигэр быраастар эти-хааны ноҕуруускалыыртан уонна уйулҕаны долгутартан туттунарга, толору сынньалаҥнаах утуйууга ураты болҕомтону уурарга уонна ууну элбэхтик иһэргэ сүбэлииллэр. Хроническай ыарыылаах дьоҥҥо наадалаах эмптэрин эрдэттэн бэлэмнииргэ сүбэлэнэр. Маннык күннэргэ утуйар уу кэһиллиитэ, төбө ыарыыта бэлиэтэниэн сөп.
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…