Уһун үйэлэниэххин баҕараҕын дуо?

Ким этэҥҥэ сылдьыан, уһун үйэлэниэн баҕарбат буолуой? Бары да уһуннук, дьоллоохтук олорору сэргиир, сэҥээрэр буоллахпыт.

Онуоха маннык этэллэр эбит.

Уһун үйэлэнии торумнара:

— Ас эгэлгэтин аһаа.

— Элбэх ыраас уута ис.

— Балыкта сиэ.

— Кыратык аһаа.

— Аһылыккар араас оҕуруот аһа баар буолуохтаах.

— Табаҕы тардыма.

— Күн аайы эти-хааны эрчийэр эрчиллиилэри толор.

Манна, арааһа, сибиэһэй салгынна сиэххэ, бэйэҕин көрүнэн хаама-сиимэ сатыахха, киэҥ көҕүстээх буолуохха, үчүгэйи көрүөххэ, үчүгэйтэн үөрүөххэ, үтүөнү баҕарыахха, айылҕаҕа сылдьыахха, сэргиир-сэҥээрэр, сөбүлүүр дьарыкка ылсыахха, бэйэни иһиллэнэн көрөн сөптөөх хамсаныыны-имсэниини оҥоруохха диэтэххэ наһаа сыыспаппыт буолуо.

Саха ыалын халандаара, 2006 с.

«Айар» («Бичик») кинигэ кыһата.

Интэриниэт ситимиттэн.