Хаартыска: үлэ, социальнай сайдыы киинэ.
Дьокуускайга Уһун үйэлэнии киинэ 2019 сылтан үлэлиир. Бу сылларга тыһыынчаттан тахса аҕам саастаах дьон кэлэн дьарыктаннылар, эмтэннилэр, олохторун киэргэттилэр.
Уһун үйэлэнии киинэ «Аврора» килииникэ баазатыгар тэриллибит буолан, манна кэлбит дьон араас быраастарга доруобуйаларын көрдөрүнэр кыахтаахтар. Ону тэҥэ, мануальщик-массажист үлэлиир, кини хаан таһаарыыта, түөннээһин, мүөттээх массаас курдук умнулла быһыытыйбыт ньымалары туһанар.
Манна сарсыардалара эмтэнэр физкультураттан саҕаланар, онтон баянист, хореограф дьарыктара саҕаланаллар, визажист, парикмахер, фотограф, психолог үлэлииллэр. Маастар-кылаастар буолаллар, холобур, туойунан көмүлүөгү оҥорорго үөрэтэллэр. Оҥоһуктарын бэйэлэрэ илдьэ бараллар. Аҕам саастаахтар муода көрдөрөллөр уонна хаартыскаҕа түһэллэр.
10 күннээх сынньалаҥ кэмигэр ырыаҕа, үҥкүүгэ үөрэтэллэр уонна түмүгэр кэнсиэр көрдөрөллөр. Хас биирдии симиэнэҕэ бэрэсидьиэни, култуура, спорт миниистирдэрин талаллар. Остуол оонньууларыгар уонна спортивнай күрэхтэһиилэр ыытыллаллар.
Интэриэһинэй дьону — норуот маастардарын, бэйиэттэри, ырыаһыттары, муусукааннары, норуодунай ансаамбыллары, о.д.а. кытта көрсүһүүлэр куруук ыытыллаллар. Онон манна олус көхтөөхтөр, олох оругйан олорор.
Уһун үйэлэнии киинэ Октябрьскай уулусса 26/4 №-гэр баар. Билсэр төлөпүөн: 8-914-271 00 88.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…