Уһуннук бииргэ олорбут ыал төлөбүргэ тиксиэхтэрин сөп

Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар төлөбүрү ылыахтарын сөп.

Дьиэ кэргэннэргэ үбүнэн өйөбүл бырагыраамата хас да эрэгийиэҥҥэ олоххо киирэн эрэр, ол курдук Москваҕа, Санкт-Петербурга эрэ буолбакка, Вологодскай уобаласка, Удмуртияҕа, Пенза уонна Самара уобаластарыгар, Белгородка, Мурманскайга, Калугаҕа, ону тэҥэ Татарстаҥҥа, Архангельскай уонна Свердловскай уобаластарга, Приморскай уонна Хабаровскай кыраайдарга, ол иһигэр Амурдааҕы Комсомольскайга уонна Ямало-Ненецкэй автономнай уокурукка.

Ол гынан баран төлөбүр кээмэйэ эрэгийиэннэринэн араастаһар.

Холобур, Москваҕа 2025 сылга 27972 солкуобай көрүллэр, оттон 70 сыл бииргэ олорбут дьоҥҥо — 41955 солкуобай. Санкт-Петербурга төлөбүр өссө улахан: 50 сыл бииргэ олорбуттарга 50 тыһ., 70 сыл иһин 70 тыһ. солк. төлөнөр, диэн “Российская газета” иһитиннэрэр.