Уһуннук бииргэ олорбут ыалы өйүүр сокуон ылыллыа дуо?

Госдуума дьиэ кэргэҥҥэ кэмитиэтэ 20 сыл уонна онтон уһуннук бииргэ олорбут ыалларга төлөбүрү көрөр туһунан ситэрэн оҥоһуллубут сокуон барылын өйүөҕэ, диэн иһитиннэрдэ кэмитиэт бэрэссэдээтэлэ Нина Останина.

Бу иннинэ саҥа көҕүлээһин туһунан дьокутаат Ярослав Нилов кэпсээбитэ. Бырайыакка дойдуларыттан ханна да барбакка олорор, ыал буолан баран арахсыбатах Арассыыйа олохтоохторугар төлөбүрү көрөр туһунан этиллэр этэ.

Төлөбүрү бииргэ олорбуттара 15-20 сылларыттан аныахха дииллэр. Салгыы 30, 40, 50  уонна онтон салгыы сылларынан баран иһиэхтээх, диэн иһитиннэрэр @rgrunews саайт.