Хаартыска: Елена Потоцкая.
1944 сыллаахха Улуу Кыайыы чугаһаан иһэрэ биллибитэ.
Онон өрөспүүбүлүкэтээҕи физкултуура уонна успуорт үлэһиттэрин иннигэр кыайыыга эрэли үөскэтэр, күүһүрдэр сонун сүүрээни тобулар сорук турбута. 81 сыллааҕыта, 1944 сыллаахха, хаһыат бастакы эстэпиэтэтэ саҕаламмыта. Онно кыайыылааҕынан «Учуутал» уопсастыба хамаандата буолбута. Иккис миэстэни —«Динамо», үһүс миэстэни үп-экэниэмикэ тиэхиньикумун хамаандалара ылбыттара. Бу үтүө үгэс сылтан сыл салҕанан, 21-с үйэҕэ тиийдэ.
“Якутия” хаһыат үгэс буолбут сүүрүү көрүҥэр эстэпиэтэтэ коронавирус сыстыганнаах дьаҥын кэмигэр уонна Ленин проспега өрөмүөннэнэригэр тохтотулла сылдьыбыта. Онтон Улуу Кыайыы 80 сылыгар анаммыт тэрээһин быйыл ыытылынна.
“Якутия» хаһыат бирииһин иһин эстэпиэтэ кыттыылаахтарын СӨ физическэй култуураҕа уонна успуорка миниистирин бастакы солбуйааччы Гаврил Мохначевскай, “Сахамедиа” АУо генеральнай дириэктэрэ Виктор Колесов, Дьокуускай куорат физическэй култуураҕа уонна успуорка салайааччытын солбуйааччы Эдуард Старостин, «Якутия» хаһыат кылаабынай эрэдээктэрэ Матрёна Кондратьева, Улуу Кыайыыга анаммыт эстэпиэтэ посола, норуоттар икки ардыларынааҕы кылаастаах успуорт маастара, марафоҥҥа Арассыыйа биэс төгүллээх чөмпүйүөнэ, Москватааҕы норуоттар икки ардыларынааҕы марафон үс төгүллээх кыайыылааҕа, Парижка ыытыллыбыт 33-с сайыҥҥы Олимпийскай оонньууларга кыттыбыт Сардаана Трофимова эҕэрдэлээтилэр.
— Быйылгы эстэпиэтэҕэ 400-кэ чугаһыыр киһи кытынна. Оскуола оҕолоро, орто анал үөрэх устудьуоннара уонна үлэ кэлэктииптэрэ бэйэ-бэйэлэрин кытта күөн көрүстүлэр. Тэрээһиммитин “Кыайыы эстэпиэтэтэ” диэн ааттаатыбыт, — диэн бэлиэтээтэ «Якутия» хаһыат эрэдээктэрэ Матрена Кондратьева.
Хас биирдии бөлөххө бастакы түһүмэх кыайыылаахтарыгар “Якутия” хаһыат эрэдээксийэтэ өрүү үс анал бирииһи олохтуур. Үгэс быһыытынан, хамаандалар саамай күүстээх сүүрээччилэрин бастакы түһүмэххэ туруораллар. Ол утарсааччылар тэйиччи хаалалларын хааччыйар. Ол иһин бастакы түһүмэх эмиэ саамай бочуоттаах уонна эппиэтинэстээх. Бастакы түһүмэх быйыл уһуна 850 миэтэрэ, онон бастакы киһи сүүрүүтэ саамай суолталаах.
Оскуола оҕолорун сүүрүүтүгэр бу түһүмэххэ Дьокуускай куораттааҕы лицей үөрэнээччитэ Богдан Луценко бастаан, “Якутия хаһыат эрэдээктэриттэн 5 тыһ. солк. сэртипикээти тутта.
Оскуола оҕолоро быйылгы эстэпиэтэҕэ олус көхтөөхтүк кытыннылар.
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…