Хаартыска: И.И.Тистяхов тиксэриитэ
Тааттаҕа күрэс төрүт көрүҥнэригэр «Манчаары оонньууларыгар» көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн сылдьар.
Ол курдук, ат сүүрдүүтүгэр көрөөччүлэргэ анаан Haval Dargo көлө билиэт ыллаххына оонньонорун туһунан иһиллибитэ. Массыына күлүүһүн тутар дьол Чымынаайы олохтооҕор Уйбаан Уйбаанабыс Тистяховка тиксибит. Кини бу туһунан маннык кэпсиир:
— Билиэт атыыламмытыгар сиэмминээн ылбыппыт. Онтубар массыына кэлэн улаханнык соһуйан, үөрэн, дьикти турукка киирэн баран сылдьабын. Урут, 1979-1980 сыллаахха этэ дуу, оччолорго 30 харчылаах билиэтинэн матасыыкыл сүүйбүттээхпин. Кэлээскэлээх «Юпитер-3» диэн этэ. Уһунннук, оҕолор улаатыахтарыгар диэри сүүрдүбүтүм. Бэйэтин кэмигэр абыраллаах көлө этэ. Онтон дьэ, бу «Манчаары оонньууларыгар» соһуччу бэлэх буолла.
Эрдэ ат сүүрдүүтүгэр массыына баар үһү диэн истибитим. Дойдубар үүт туттара сырыттахпына: «Манчаары оонньууларыгар бараҕын дуо? Массыына оонньонор үһү», — диэбиттэрэ. Ону дьээбэлэнэн: «Ээ барабын, барабын. Массыына сүүйүөм этэ буоллаҕа», — диэбитим. Онтум кырдьык, массыыналанан хааллым. Дьиҥэр, билиэппэр массыыналаныам эрэ дии санаабатах буоллаҕым. Үөрүүбүттэн түүл дуу, илэ дуу диэхпин баҕарабын. (Күлэр)
Бүгүн, тохсунньу 15 күнүгэр, Дьокуускай куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, тохсунньу 15 күнүгэр, өрөспүүбүлүкэ баһыйар үгүс өттүгэр хаардыаҕа. Хоту оройуоннарга сөҥүү түһэрэ күүтүллүбэт. Арктика…
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…