Хаартыска: Үүнэр көлүөнэ тыйаатыра.
Үүнэр көлүөнэ тыйаатыра быйылгы 32-с айар дьылын «Уйбаан уонна Соноҕосчоон» («Иван и Конек») испэктээкилинэн арыйыаҕа.
РФ култууратын үтүөлээх үлэһиттэрэ Матрена уонна уонна Алексей Павловтар салайааччылаах Үүнэр көлүөнэ тыйаатыра балаҕан ыйын 22-с күнүгэр 32-с айар дьылын «Уйбаан уонна Соноҕосчоон» (“Иван и Конек”) диэн оскуола бырагырааматынан турбут испэктээкилинэн арыйыа.
Айымньы Петр Ершов «Бөкчөгөркөөн-Соноҕосчоон» («Конек-Горбунок») остуоруйатыгар олоҕуран, аан бастаан бу саас туруоруллубута. Чаҕылхай испэктээкил премьератыгар сылдьыбыт оҕо-аймах бары кэриэтэ аптаах туруорууну кэрэхсии көрбүттэрэ. Ол курдук, испэктээкил кэмигэр ураты киэргэтии ньымалара туттулланнар, көрөөччү илэ-чахчы остуоруйа дойдутугар сылдьан кэлбит курдук сананыан сөп.
«Бөкчөгөркөөн-Соноҕосчоон» остуоруйа аптаах дьоруойдарынан баай. Манна Саар-Көтөр, дьикти-сүүнэ Саалым Балык, көмүс сиэллээх сылгылар уонна да атыни алыптаах дьоруойдар бааллар. Ис хоһооно киһини үөрэтэр дириҥ муударастаах уонна философиялаах.
Сүрүн оруолларга Елизавета Далбараева уонна Спартак Ларионов оонньууллар. Туруорааччы режиссер: Үүнэр көлүөнэ тыйаатырын сүрүн худуоһунньуга, СӨ култууратын туйгуна Прасковья Павлова.
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…