Уйгулаана Филиппова: «Быйылгы кыттааччыларга ситиһиини баҕарабын»

«Муус устар» ыччат бэстибээлин 2024 сыллааҕы «Лучший молодой автор туристического сувенира» хайысха кыттааччыта, Мэҥэ Хаҥалас улууһун олохтооҕо Уйгулаана Филиппова санаатын үллэһиннэ:

— Былырыын «Муус устар» бэстибээлгэ кыттан үһүс миэстэ буолбутум. Былырыыҥҥы тэрээһин олус үрдүк таһымнаах этэ. Хас биирдии ыччат бу бэстибээлгэ бэйэтигэр сөптөөх хайысханы булан кыттан бэйэтин боруобаланан көрүөн наада дии санаабытым. Быйылгы кыттааччыларга олох харса суох буолуҥ, иннигит хоту баран иһин диэн сүбэлиэм этэ. Тэҥнээхтэрбитин, биир интэриэстээх дьоммутун кытта алтыһарга сөптөөх усулуобуйаны тэрийэр  «Муус устар» бэстибээл тэрийээччилэригэр улахан махталбын тиэрдэбин.