Уйгууна Готовцева: «Миэдиктэри өйүүр эбии төлөбүр олус туһалаах»

РФ Бэрэсидьиэнэ Владимир Путин  кэлэр кэм технологиятын пуорумугар сылдьан миэдиктэргэ эбии төлөбүрү олохтуур туһунан быһаарыныы ылыммыта. 

Бу туһунан Таатта улууһун киин балыыһатын  сиэстэрэтэ Уйгууна Готовцева санаатын үллэһиннэ:

— Биһиэхэ, мэдиссиинэ үлэһиттэригэр былырыыҥҥыттан эбии төлөбүр хамнаспытыгар көрүллэр этэ. Ол эбэтэр ыйга алта аҥаар тыһыынча солкуобай көрүллэрэ. Дойду Бэрэсидьиэнэ Владимир Путин миэдиктэргэ көрүллэр эбии төлөбүрү үрдэтэр туһунан быһаарыныытын үөрэ иһиттибит. Биһиги улууспут киинигэр Ытык Күөлгэ саҥа үлэҕэ киирбит аныгылыы балыыһаҕа үлэлии олоробут. Усулуобуйабыт олус үчүгэй. Дойдубут Аҕа баһылыга коронавирус дьаҥа туруоҕуттан күн бүгүнүгэр диэри мэдиссиинэ үлэһиттэригэр уурар  болҕомтотун сыаналыыбыт уонна махтанабыт.