Хаартыска: Үөрэх уонна билим министиэристибэтин телеграмыттан.
Бэҕэһээ, Оҕо көмүскэлин күнүгэр Москваҕа дойду саамай чаҕылхай, талааннаах оҕолоро муһуннулар. Манна “Дороги, которые мы выбираем” Бүтүн Арассыыйатааҕы уруһуй дьыктаанын кыайыылаахтарын наҕараадалыыр тэрээһин буолла.
“Биһиэхэ өссө биир норуоттар икки ардыларынааҕы наҕараада баар! Лөгөй лиссиэй-интэринээтэ өрөспүүбүлүкэттэн соҕотоҕун Бүтүн Арассыыйатааҕы уруһуй дьыктаанын норуоттар икки ардыларынааҕы очнай түһүмэҕэр муҥутуур кыайыылааҕынан буолла!
Биһиги учууталларбытынан киэн туттабыт, олоххо үчүгэй учууталы, уһуйааччыны көрсөр диэн улахан дьол. Үөрэнээччи оскуолатааҕы бастыҥ сыллара кинини кытта ситимнээх буолар. Биһиги уруһуйга учууталбыт Анастасия Михайловна Колесова уһулуччулаах талааннаах үөрэнээччилэри, олимпиада, билим-быраактыка кэмпириэнсийэтин уонна “Профессионаллар” чөмпүйэнээт кыайыылаахтарын, призердары иитэн таһаарда. Кининэн киэн туттабыт.
Чопчу бу күн, 2025 сыл бэс ыйын 1 күнүгэр Москва куоракка кыайыылаахтары наҕараадалааһын буолбута, онно биһиги Уйгуунабыт баара үөрдэр!
Кыайыы хаһан даҕаны судургутук кэлбэт, дьаныардаах, идэтийбит дьон үлэтинэн ситиһиллэр. Өрөспүүбүлүкэни, улууһу, лиссиэйи норуоттар икки ардыларынааҕы таһымҥа ааттаппыттарын иһин махтанабын” – диэн лиссиэй-интэринээт дириэктэрэ Михаил Пухов этэр.
Быйылгы дьыктааҥҥа Саха Өрөспүүбүлүкэтин 14 улууһуттан уонна Дьокуускай куораттан 335 үөрэнээччи кытынна. Алдан, Үөһээ Бүлүү, Горнай, Ленскэй, Мэҥэ Хаҥалас, Мииринэй, Нам, Ньурба, Өлүөхүмэ, Сунтаар, Уус Алдан, Усуйаана, Хаҥалас, Чурапчы улуустарын — өрөспүүбүлүкэ хас биирдии муннуга ускуустубаны талбыт эдэркээн худуоһунньуктар айар үлэлэригэр көһүннэ. Эрэгийиэннээҕи түһүмэх кэнниттэн бэйэтин көрдөрбүт, сүрүн санаатын уонна уус-уран күүһүн тириэрдибит 20 кыттааччы бастыҥынан ааттаммыта.
Уус Алдан улууһун Лөгөй лиссиэй-интэринээтин 7-с кылааһын үөрэнээччитэ Уйгууна Колесова норуоттар икки ардыларынааҕы түһүмэххэ кыайыылааҕынан таҕыста! Бу туһунан Үөрэх уонна билим министиэристибэтин телеграм-ханаалыгар сырдаталлар.
Быйыл анал байыаннай дьайыы кыттыылааҕын 2733 оҕотугар сайыҥҥы сынньалаҥы тэрийэр былааннаахтар. 1973 оҕо өрөспүүбүлүкэ муниципальнай…
«Саха сирэ» хаһыат 2025 сыл ыам ыйынааҕы нүөмэригэр «Социальнай көмө» диэн инфографика бэчээттэммитэ. Ол онно…
Айылҕа харыстабылын уонна айылҕа пааркаларын ураты харыстанар биологическай ресурсаларын дирекцията саҥа күн сирин көрбүт бизон…
Саха сиригэр «яконтрак14.рф» саҥа саайт үлэҕэ киирдэ. Манна хантараагынан байыаннай сулууспаҕа сайаапка хаалларыахха сөп. Бу…
«Тооку» оҕо ханаалын 1 сааhын көрсө бэс ыйын 5 күнүттэн Саха сирин киинэ тыйаатырдарыгар «Айтал…
"Өлгөм үүнүү - сибиэһэй ас дэлэйэ" диэн оҕуруот аһын хайдах олордон, биэбэйдээн, көрөн-истэн өлгөм үүнүүну…