Байыаннай дьайыылар бара турар сирдэригэр кытта барыыга бэбиэскэ туппут дьонноох дьиэ кэргэттэргэ, буойуттар чугас дьонноругар, ордук ийэлэригэр, кэргэннэригэр, оҕолоругар, ыраас күннээх халлааҥҥа эмискэ этиҥ эппитинии, ыксаллаах быһыы-майгы, санаа-оноо муунтуруута, куттаныыта ханна барыай… Маннык түгэҥҥэ нэһилиэнньэҕэ психологическай көмөнү оҥорор Өрөспүүбүлүкэтээҕи киин уонна кини улуустааҕы исписэлиистэрэ тутатына сөптөөх көмө оҥоруулара улахан өйөбүл буолла. Ол туһунан байыаннай эпэрээссийэҕэ кытта сылдьар буойуттар ийэлэрэ, кэргэннэрэ бу курдук кэпсииллэр.
Байыаннай эпэрээссийэҕэ кытта сылдьар буойун ийэтэ:
— Улахан уолум 2000 сыл төрүөх. Кини балаҕан ыйын 27 күнүгэр бэбиэскэ тутан, байыаннай эпэрээссийэҕэ кытта барбыта. Бу улахан уолум кэнниттэн үс оҕолоохпун: улаханым устудьуон, кыраларым оскуолаҕа үөрэнэллэр. Оҕолорбун соҕотоҕун иитэр ийэбин.
Бу маннык ыарахан кэмҥэ миэхэ Өрөспүүбүлүкэтээҕи психологическай киин Уус-Алданнааҕы филиалын психологтара өйөбүл буолбуттара. Кинилэр биһиэхэ санаа-оноо, уйулҕа бөҕөх буолуутугар уонна оҕобут байыаннай быһыы-майгы усулуобуйатыгар хайдах-туох сылдьар диэн санаа баттыга буолууттан босхолонууга наһаа үчүгэй көмөнү оҥордулар. Чахчы үчүгэй исписэлиис кыргыттар. Кинилэр үөрэ-көтө, мичилийэ сылдьалларыттан киһи аҥаардас көрөн да уоскуйар… Бу кыргыттарбар баҕарыам этэ доруобуйаны, дьолу, ситиһиини!
Байыаннай эпэрээссийэҕэ кытта сылдьар буойун ийэтэ:
— Сэтинньи ый 24 күнүгэр Мэҥэ Ханалас улууһун Хара бөһүөлэгэр кулууппутугар кэлэн, биһиэхэ Өрөспүүбүлүкэтээҕи психологическай киин үлэһиттэрэ көмө оҥорбуттара. Уйулҕа үөрэхтээхтэрэ биһигини, кэргэттэри, ийэлэри, оҕолорбут тустарыгар ыарык-баттык буола сылдьар санааларбытыттан босхолонуу араас ньымаларыгар үөрэттилэр. Бэйэм ордук метафорическай каартаны кытта үлэлэһэн астынным, дуоһуйдум. Миэдик идэлээх буоламмын, уйулҕаҕа чугаспын, киһи санаата олус күүстээх диэни билэбин. Онон исписэлиистэр көмөлөрүнэн бу кэмҥэ биһиги санаабытын-онообутун сааһыллынныбыт, эрэлбит үрдээтэ. Долгуйуу уонна куттал намтаан, олус чэпчээммит улахан махталбытын биллэрэн туран, барыбытыгар доруобуйаны, тулууру, күүстээх санааны баҕарабын!
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…