Хаартыска: Саха сирин суһал ыстааба
Ититэр ситим турбатын самосвалынан алдьатыыттан Алдан оройуонун Улахан Ньымныыр бөһүөлэгэр хочуолунай үлэтин тохтоппут.
Суоппар суол балаһатыттан туораабыт уонна теплотрассаны түҥнэри көтөн саахал таһаарбыт. Бу туһунан иһитиннэрии олохтоох бириэмэнэн ахсынньы 12 күнүгэр киэһэ 19.45 чаас саҕана дьуһуурунай сулууспаҕа киирбит диэн Саха сирин суһал ыстааба иһитиннэрэр.
Суһал дьаһаллары ылынарга ОДьКХ уонна энергетика миниистирэ Вячеслав Емельянов салайааччылаах сүбэ мунньахха быһаардылар. Ахсынньы 12 күнүнээҕи туругунан сылааһынан хааччыйыыны таһынан итии уонна тымныы уунан хааччыйыы оҥоһуллубат. Хааччахтааһыҥҥа оскуола-оҕо уһуйаана, уопсай дьиэ, ФАП, 86 киһи олорор 9 элбэх кыбартыыралаах дьиэ түбэспит. Бөһүөлэккэ салгын температурата -28С кыраадыс тымныы.
Алдан куораттан 9 исписэлиистээх саахалы туоратарга биригээдэ үлэлиир. Ону кытта анал тиэхиньикэ тиийдэ. Саахал содулларын туоратарга ититэр ситимтэн ууну барытын ыытар наадалаах, ол түгэнигэр ититиигэ хааччахтааһын таарыйыан сөп.
Улахан Ньымныыр бөһүөлэккэ үрдүк бэлэмнээх буолуу эрэсиимэ биллэрилиннэ. Суукканы эргиччи дьуһуурустуба тэрилиннэ. Алдаҥҥа доруобуйаларынан хааччахтаах гражданнары, оҕо күүтэр дьахталлары, оҕолору быстах кэмҥэ пууҥҥа көһөрүү былааннанар.
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…