Улаатан эрэр оҕолор сайыҥҥы сынньалаҥнарыгар үлэнэн хааччыллыахтара

«Мин бастакы хамнаһым» пилотнай бырайыак иитинэн, улаатан эрэр оҕолор (60-тан итэҕэһэ суох оҕо) сайыҥҥы сынньалаҥнарын кэмигэр социальнай хантараагынан үлэнэн хааччыллыахтара.

Санатан эттэххэ, ааспыт сыл ахсынньы 22  күнүгэр Ил Дархан Айсен Николаев Ил Түмэҥҥэ Анал этиитигэр улаатан эрэр оҕолорго анаан «Мин бастакы хамнаһым» социальнай бырагырааманы оҥороллоругар уонна олоххо киллэрэллэригэр соруйбута.

Бырагыраама сыала — 14—18  саастаах оҕолору үлэнэн иитии, ону сэргэ итинник оҕолор баар дьиэ кэргэттэригэр дохуоту үрдэтии.

Бэс ыйын саҥатыттан бырайыак пилотнай эрэсииминэн Горнай, Мэҥэ Хаҥалас улуустарыгар уонна Дьокуускайга үлэтин саҕалаабыта.

Горнай улууһугар социальнай хантараагы түһэрсибит хаһаайыстыбалаах дьоҥҥо оҕолор үлэҕэ ылыллыбыттара.

Мэҥэ Хаҥаласка предпринимательствонан дьарыктанарга социальнай хантараагынан айар мастарыскыай арыллыбыта.

Дьокуускайга креативнай индустрия эйгэтигэр үлэлэммиттэрэ, ол иһигэр «Үлэ кыбартаала» резиденнэригэр.

Бырайыагы олоххо киллэрии түмүгүнэн 60-тан итэҕэһэ суох оҕону үлэнэн хааччыйыы былааннанар. Маныаха бастакынан, уустук балаһыанньалаах дьиэ кэргэттэртэн ылаллар диэн иһитиннэриигэ суруллар.

Сиһилии https://www.sakha.gov.ru/news/front/view/id/3407971  манна ааҕыҥ.