Улахан Ааҥҥа «Саха Боотур» бастакы байыаннай-патриотическай ыччат сүлүөтэ тэрилиннэ
![](https://sakha-sire.ru/wp-content/uploads/2024/06/85-5-900x596.jpg)
«Саха Боотур» байыаннай-спортивнай бэлэмнэнии уонна патриотическай иитии киинин салайааччыта, байыаннай дьайыы кыттыылааҕа Андрей Артамонов иһитиннэриитинэн, бэс ыйын 7-10 күннэригэр Хаҥалас улууһун Улахан Аан сэлиэнньэтин Ампаардаах алааһыгар бастакы оҕо-ыччат байыаннай-спортивнай уонна патриотическай сүлүөтэ 4 хонук устата ыытылынна.
Сүлүөт сүрүн сыалынан-соругунан төрүт үгэстэри харыстыырга, экологическай үөрэхтээһини сайыннарыы, айылҕаҕа харыстабыллаахтык сыһыаннаһыыга угуйуу, ытык сирдэргэ сүгүрүйүү, былыргы үйэтээҕи суруктары уонна уруһуйдары үөрэтии, эдэр көлүөнэ ыччаты экологическай хайысхалаах соруктары быһарыыга үөрэтии, патриотическай иитии тиһигин сайыннарыы, чөл олоҕу тутуһууну тарҕатыы, уолаттары ийэ дойдуну таптыырга үөрэтии ыытылынна.
«Сүлүөт кэмигэр уолаттары байыаннай-спортивнай уонна патриотическай иитиигэ уһуйуу таһынан төрүт үгэстэрбитинэн сиэри-туому тутуһан «Боотур» сэргэ туруордубут, инникитин тимир ууһаарыга сүлүөт арыйары былаанныыбыт», — диэн кэпсиир Андрей Артамонов.
![](https://sakha-sire.ru/wp-content/uploads/2024/06/b833afce-40ad-4ca3-be22-21513149bb67.jpg)
![](https://sakha-sire.ru/wp-content/uploads/2024/06/4de73d8b-168b-4601-a49d-9b1c6a3874a2.jpg)
![](https://sakha-sire.ru/wp-content/uploads/2024/06/36a7d21b-70d0-4826-bcc2-fcbefedd4888.jpg)
![](https://sakha-sire.ru/wp-content/uploads/2024/06/bf14701d-ca8d-41a9-ab7c-6ad0eb9704cb.jpg)
![](https://sakha-sire.ru/wp-content/uploads/2024/06/adfc14b7-8b1f-4a40-9ec4-89613d6ba3ad.jpg)
![](https://sakha-sire.ru/wp-content/uploads/2024/06/daec1b1c-5a51-4770-bc92-ccfd01c0e12c-1.jpg)
Сүлүөтү көҕүлээччилэринэн уонна тэрийээччилэринэн «Саха Боотур» байыаннай-спортивнай бэлэмнэнии уонна патриотическай иитии киинэ, ону кытта М.Е. Васильева аатынан 2-с Малдьаҕар орто оскуолата буоллулар. Тэрээһиҥҥэ Дьокуускай куорат 22 №-дээх орто оскуолатын, Мээндиги орто оскуолатын, Хаҥалас улууһуттан Улахан Аан нэһилиэгин 2-с Малдьаҕар орто оскуолатын барыта 14 ыччат-оҕо уһуйулунна, ону таһынан Амма улууһун, Мээндиги сэлиэнньэтин бэрэстэбиитэллэрэ кытыннылар. Түөрт күн устата уолаттар «Боотур үөрэҕэ» («Мастерство боотура») төрүт байыаннай ускуустуба тиһигэр үөрэннилэр. «Сабыйа Боотур холото» успуорка комплекснай күрэхтэһии чэрчитинэн «Бэргэн ытааччы» атынан сүүрдэн иһэн оҕунан ытыы, «Эргис эргиирэ», «Сымса Боотур», «Сыыдам сырыылаах» баҕанаттан баҕанаҕа ыстаныы, «Имигиэс эркин», бокса элеменнэригэр үөрэннилэр уонна түмүгэр бэлэрин икки ардыларыгар күрэхтэстилэр. Итини сэргэ уолаттар көмүс хатырыктааҕы илимининэн бултуурга, туунан мунду балыгын хомуйарга уһуйуннулар, этнографическай-краеведеческай сыаллаах походка кытыннылар, тааска былыргы үйэтээҕи суруктары, уруһуйдары көрдүлэр, от охсуутугар, балаакка туруоруутугар үөрэннилэр.
Бу тэрээһиҥҥэ 2-с Малдьаҕар нэһилиэгин орто оскуолатын кэлэктиибэ, олохтоох нэһилиэк дьаһалтата көмөлөрүнэн оҕолору аһынан-үөлүнэн хааччыйдылар, кэлэр-барар айан сырыыларыгар уматык биэрдилэр уонна кинилэр көмөлөрүнэн тэрийии сүрүн чааһа ыытылынна диэн Андрей Артамонов билиһиннэрдэ.
Сообщить об опечатке
Текст, который будет отправлен нашим редакторам: