Улахан Ааҥҥа сүппүт эр киһи көһүннэ

Бүгүн, бэс ыйын 8 күнүгэр, 8 чаас саҕана Хаҥалас Улахан Аанын олохтооҕо эр киһи дьиэтигэр кэлбит. Кини кэпсээбитинэн, ааспыт икки күн устата Еланка тыатыгар муна сылдьыбыт.

Санатан суруйдахха, аҕам саастаах эр киһини икки күн устата 14 быыһааччы, ИДьМ 18 үлэһитэ уонна олохтоох 25 киһи көрдөөбүттэр. Эр киһи доруобуйата этэҥҥэ, мэдиссиинэ көмөтүгэр наадыйбатах.

Бу туһунан СӨ Быыһыыр сулууспата иһитиннэрэр.