Улахан кээмэйдээх төлөбүрү түөкүннээн ылыыга холуобунай дьыала тэрилиннэ

СӨ Борокуратуурата Саха сиринээҕи Силиэстийэлиир кэмитиэтэ улахан кээмэйдээх төлөбүрү түөкүннээн ылыыга холуобунай дьыаланы тэрийбитин бигэргэттэ.

Холуобунай дьыала ФСБ Саха сиринээҕи управлениетын матырыйаалларынан тэриллибит.

Дьыаланы тэрийиигэ биллибитинэн, 2021-2024 сылларга быраабы араҥаччылыыр уорганнар урукку үлэһитэ биэнсийэҕэ тахсан баран, Краснодар куоракка олорон, эбии төлөбүр ылар сыалтан Мииринэй оройуонун Айхал бөһүөлэгэр олорорун туһунан сымыйа сибидиэнньэлэри биэрбит. Хоромньу суумата 1,8 мөл.солк. куоһарбыт.

Билигин холуобунай дьыалаҕа силиэстийэлээһин үлэлэрэ ыытыллаллар. Дьыала СӨ Борокуратууратын хонтуруолугар ылылынна. Бу туһунан СӨ Борокуратууратын пресс-сулууспата суруйар.