Бэҕэһээ Дьааҥы улууһун Улахан Күөлүн олохтоохторо дьиэлэрбит тоҥон эрэллэр диэн иһитиннэрбиттэрэ.
Дьааҥы улууһун Улахан Күөл нэһилиэгэр хаачыстыбата суох чох тиийэн, дьиэлэр тоҥо сыспыттар. Дьиэлэр 11 кыраадыска тиийэ тымныйбыттар. Бу туһунан нэһилиэк олохтоохторо социальнай ситимҥэ суруйбуттар. Бу ыксаллаах быһыыга-майгыга Улахан Күөл нэһилиэгин баһылыга Анна Рожина маннык эппиэти биэрбит:
— Хочуолунайбытыгар уустук балаһыанньа үөскээтэ. Мөлтөх хаачыстыбалаах чох кэлэн, маннык балаһыанньа буолла. Онуоха халлааммыт 50-60 кыраадыска тиийэ тымныйда. Улууспут салалтата буолбут быһыыны-майгыны билэн барытын хонтуруолга ылан олорор. Күн аайы «ОДьКХ» ГУП улуустааҕы филиалын саппаас чоҕуттан иккилии массыынаны аҕалаллар.
Бэҕэһээ, тохсунньу 9 күнүгэр, Баатаҕайтан Улахан Күөл нэһилиэгэр «Сахаспецтранс» чох тиэммит икки массыыната айаннаабыт.
Баатаҕайтан Улахан Күөл нэһилиэгэ 70 км тэйиччи сытар. Ортотунан, алта чаас кэриҥэ айанныыллар. Таһаҕастаах массыыналар киэһэ 10 чааска тиийэн чохторун сүөкээбиттэр. Инньэ гынан, 26,5 туонна чох тиийбит. Миэстэтигэр 30 туонна оттук баар эбит. Киин хочуолунайга уопсайа түөрт КВм-1,74 мааркалаах хочуол үлэлиир. Билиҥҥи туругунан Улахан Күөлгэ Дьааҥытааҕы филиал сүрүн инженерэ А.С.Потапов командировкаҕа сылдьар. Кииннэммит хочуолунайга нэһилиэк 50 % чааһынай ыала, оскуола, успуорт саала уонна нэһилиэк дьаһалтата холбоммут диэн Дьааҥы улууһун дьаһалтатын пресс-сулууспата иһитиннэрэр.
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…