Улахан Ньымныыр бөһүөлэгэ ититиитэ суох хаалбытынан буруйдаах эппиэтинэскэ тардыллыаҕа

Алдан оройуонун Улахан Ньымныыр бөһүөлэгэр суоппар самосвалынан саахалы таһаарбыт содулларын туоратыыны түмүктүүллэр.

Хочуолунайы үлэҕэ киллэрии саҕаланна, ититэр ситимтэн салгын таһаараллар диэн бу сарсыарда, ахсынньы 13 күнүгэр, СӨ Бырабыыталыстыбатын бастакы солбуйааччы Дмитрий Садовников иһитиннэрдэ. «Тахсыбыт саахал суоппар эппиэтинэһэ суох сыһыаныттан кыһын ортото бөһүөлэк үлэтин тохтотон, улахан хоромньуну таһаарар холобурунан буолар. Биллэн турар, буруйдаах  эппиэтинэһи сүгүөхтээх», — диэн бэлиэтээтэ бастакы вице-премьер.

Дмитрий Садовников этэринэн, бөһүөлэккэ ыксаллаах быһыы-майгы эрэсиимэ оннунан хаалар. Оскуола үөрэнээччилэрин ыраахтан олорон үөрэххэ көһөрдүлэр. Миэстэтигэр быыһааччылар дьуһуурустубалыыллар, оптуобуска быстах кэмҥэ көмө оҥорор пуун тэрийдилэр.

«Тахсыбыт быһылаан ОДьКХ уонна энергетика миниистирин уонна Алдан оройуонун баһылыгын хонтуруолугар ылыллыбыта. Холбоһуктаах үлэ күүһүнэн саахал суһаллык туоратыллынна. Тахсыбыт быһылаан туһунан Саха сирин Бырабыыталыстыбатыгар уонна эрэгийиэн борокуратууратын салалтатыгар биллэриллибитэ», — диэн Садовников суруйар.