Улахан тыастаах тимир көлөҕө ыстараабы 10 төгүл үрдэтиэхтэрэ

Улахан тыастаах тимир көлөнү туһаныы иһин ыстараап 10 төгүл үрдүөн сөп. Сокуон барыла көрүллэрин туһунан Судаарыстыбаннай Дуума дьокутаата Сергей Колунов иһитиннэрдэ.

«Судаарыстыбаннай Дуума көрүүтүгэр Административнай кэһиилэр тустарынан Кодексатын 8.23 ыстатыйатынан ыстараабы кырата 10 төгүл — 500 солкуобайтан 5 тыһ. солкуобайга диэри үрдэтэргэ  сокуон барыла киирэ сытар», — диэн Колунов эттэ. Бу туһунан РИА Новости суруйар.

Сокуон барыла бастакы ааҕыыны 2023 сыллаахха ааспыта. Дьокутаат этэринэн, билиҥҥи туругунан иккис ааҕыыга бэлэмнэнии үлэтэ бара турар. Ону таһынан, ылыллыбыт сокуон барыла эрэгийиэннэринэн ыстараабы  30 тыһыынча солкуобайга диэри үрдэтэргэ кыаҕы биэриэҕэ.

Бу иннинэ суол быраабылатын кэһии иһин ыстарааптар хас да төгүл үрдээбиттэрэ. Холобур, полиция ирдэбилинэн тохтообот буолуу, ыйааһын хонтуруолуттан куотунуу уонна оҕону кириэһилэтэ суох таһыы иһин эппиэтинэс кытааппыта. Бу дьаһаллар суолга бэрээдэги үрдэтэргэ уонна быраабы кэһии ахсаанын аҕыйатарга туһуланаллар.