Бүгүн СӨ ИЛ Дархана Айсен Николаев Ил Түмэҥҥэ Анал этиитигэр дьон олоҕун-дьаһаҕын хааччыйыыга болҕомтону туһаайда.
Ол курдук, “Ыраас уу” федеральнай бырайыагынан уунан хааччыйар тиһиктэр уонна Үөһээ Бүлүүгэ ыраастыыр ыстаансыйа тутуллубут. Жатайга КОС үлэҕэ киирбит. Бээйтин Анал этиитигэр 2023 сылга уопсайа биэс ыстаансыйа –Бэрдьигэстээххэ, Сунтаарга, Хаҥалас улууһун Бэстээҕэр, Алтаҥҥа уонна Аммаҕа тутулларын, Өлүөхүмэҕэ водозабору тутуу иккис түһүмэҕэ ыытылларын туһунан чопчулаата.
Национальнай туруктаах буолуу пуондатыттан өрөспүүбүлүкэ хомунаалынай комплексын эбиийэктэрин саҥардыыга 3 млрд солк. көрүллүбүтэ. Бу үбү Мэҥэ Хаҥалас, Таатта, Уус Алдан, Чурапчы, Амма, Томпо улуустарыгар 9 хочуолунайы уонна ититэр ситими тутууга ыытыахтара, Нерюнгри куораты уунан хааччыйыыга бэриллиэҕэ.
Айсен Сергеевич социальнай гаастааһыҥҥа түмүктэргэ тохтоото. Быйылгы сыл былаана туолбут, 230 км тардыллыбыт, гаас 2,5 тыһ. олорор дьиэҕэ киирдэ.
Намыһах дохуоттаах дьоҥҥо көмөлөһөр туһунан быһаарыы ылыныллыбытын аҕынна. ол иһигэр байыаннай сулууспалаахтар дьиэ кэргэттэригэр. Бу бэриллэр харчынан гаас тэрилин атыылаһыахха эбэтэр дьиэҕэ туруортарыыны төлүөххэ сөп эбит.
Арассыыйа Бэрэсидьиэнин быһаарыытынан социальтнай гаастааһын бырагыраамата куруук ыытыллыаҕын санатта.
Саха сиригэр уустук айылҕа усулуобуйатыгар олоҕу-дьаһаҕы хааччыйыы олоччу тохтуо, быстыа суохтаах диэн соругу туруорда Ил Дархан. Дьон сылааһа суох олоруо суохтаах, уоту өрөмүөн диэн ааттаан улахан тымныыларга араарар сыыһатын эттэ. Кэлэр сыл саҥатыгар хотугу таһаҕаһы тиэйии туһунан анал федеральнай сокуон ылыныллыаҕа. Онон хотугу таһаҕаһы тиэйиини салайыы структурата уонна судаарыстыба өйүүр миэрэтэ сокуонунан аан бастаан бигэргэнэр кыахтаммытын эттэ.
Уһук Илини сайыннарыыга министиэристибэ өйөбүлүнэн Арктика 13 улууһугар эргиэн-логистика кииннэрэ тэриллэллэр, итинтэн билигин 5 үлэлиир.
2023 сылга түөрт киин тутуллуоҕа уонна икки тутуутун саҕалыахтара. Балар Арктикаҕа хааччыллыыны тупсараллара эрэбил.
Хаартыска: СИА
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…