СӨ Тырааныспар министиэристибэтин салалтата улахан уйуктаах көлөнөн таһаҕаһы таһааччылары кытары көрүстэ. Көрсүһүүгэ, чуолаан, суол-иис хаачыстыбатын, таһаҕаһы таһыы туһунан кэпсэттилэр.
Миниистир Владимир Сивцев «Куттала суох уонна хаачыстыбалаах айан суоллара» национальнай бырайыагы олоххо киллэрии чэрчитинэн өрөспүүбүлүкэҕэ үрдүк габариттаах автоматическай хонтуруол пууна «Управтодор» тэрилтэ сакааһынан туруоруллубутун бэлиэтээтэ. Пуун үлэтэ федеральнай уурааҕынан оҥоһуллубутун уонна олохтоммут ирдэбил халбаҥа суох тутуһуллуохтааҕын тоһоҕолоото.
«Бүгүҥҥү биһиги сүрүн сорукпутунан суолларбытын хаачыстыбаннайдык тутуу уонна харыстааһын буолар. Хомойуох иһин, саҥа тутуллубут, өрөмүөннэммит суолларбытын икки, оннооҕор ааһа баран үс да төгүл олохтоммут ыйааһынтан куоһарар уйуктаах улахан массыыналар тоҕута тэпсэллэрин билэбит», – диэн хом санаатын биллэрдэ миниистир.
Итинэн сибээстээн кэлэр сылга «Мухтуйа» айан суолугар, онтон кэлэр сылга Нам айан суолугар маннык пууннар баар буолуохтара. Дьэ оччоҕо, суолбут арыый өр тулуктаһар ини диэн эрэл баар.
Ол курдук, сэтинньи 15 күнүттэн кулун тутар 31 күнүгэр диэри эрэгэйиэннээҕи айан суолун тиһигэр улахан уйуктаах таһаҕаһы таһар тырааныспарка суолу алдьаталларын толуйарга «нулевой коэффициент» туттуллар буолуо. Ити саҥа сүүрээн Хаҥалас улууһугар «Умнас» айан суолугар эмиэ туттуллуо.
Көрсүһүү түмүгэр, мантан ыла олохтоммут нуорматтан улахан ыйааһыннаах таһаҕаһы таһыыга, тырааныспар сөптөөх нуорманы куоһарар буоллаҕына, административнай эппиэтинэскэ тардыллыа диэн быһаардылар.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…