Улахан ыһыахтар тэрээһиннэригэр мобильнай интэриниэт сибээһэ хааччахтаныаҕа

Куттал суох буолуутун миэрэлэрэ ылыллыахтара.

Бу туһунан Ил Дархан Айсен Николаев быһа эпииргэ бэлиэтээтэ. «Кэлиҥҥи кэмҥэ Украина анал сулууспалара Сибииргэ да, Уһук Илиҥҥэ да террористическай дьайыылары оҥороллорун, пилота суох көтөр тэриллэри туһаналларын көрөбүт. Биллэн турар, Туймаада ыһыаҕын курдук улахан тэрээһиннэри ыытарбытыгар, дьон олоҕор куттал суох буоларын туһугар барытын оҥоруохтаахпыт. Онон бэс ыйын 28 уонна 29 күннэригэр Үс Хатыҥ сиригэр Туймаада ыһыаҕын кэмигэр уонна от ыйын 4 уонна 5 күннэригэр Нерюнгри куоракка  Олонхо  ыһыаҕа ыытыллар сиригэр мобильнай интэриниэт хааччахтаныаҕа. Төлөпүөн сибээһигэр дьайыа суоҕа. Бу барыта куттал суох буолуутун хааччыйар, пилота суох көтөр аппараттар кутталларын сэрэтэр сыалтан оҥоһуллар”, — диэн эттэ быһа эпииргэ Айсен Николаев.