Ангелина Васильева хаартыскаҕа түһэриилэрэ
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ буолла.
Улан диэн эбээн тылыттан «инчэҕэй хаар» диэн суолталаах эбит. Бу күн ардах да түһэн ылла, ириэрэн, хаар инчэйдэ. Онон Улан «айылҕам анаан маанылаата» диэбитэ оруннаах.
Кэнсиэр ураты буолла. Дьыл кэминэн араарыллан, алгыс этэн истэ. Сыананы толору киэптиир киэҥ экран ойуута уларыйан, дьүкээбил дьиримниир, ыйдаҥалаах туундараҕа сырытыннарда, аҥаат-муҥаат алаастарга ааратта, өбүгэлэр мөрсүөннэрин да тилиннэрдэ.
«Бу күн быаларгытын барытын сүөрүнүҥ, харгыстаргытын ыраастаныҥ, тэҥҥэ ыллаһыҥ, ытаһыҥ, үҥкүүлэһиҥ, үөрүҥ, иэйиигитин тутумаҥ», — диэн туран, Василена ис сүрэҕиттэн иэйэн, ыллаата-туойда, үҥкүүлээтэ. Дьүрүһүйэр хомуһун тыаһа ураты турукка киллэрдэ. Көрөөччүлэр да хаалсыбатылар, ытыс тыаһын харыстаабатылар.
Улуустарынан оһуокай араас көрүҥнэрин дьиэрэтэн иһитиннэрдэ. Саха дьонун ырыаҕа, тойукка, хомуска, кыл кырыымпаҕа сыстарга, үөрэнэргэ ыҥырда. Кини куолутунан ыллыы-үҥкүүлүү сылдьан, чабырҕахтаан да ылла. Василена Шарина Сергей Зверев аатынан Үҥкүү тыйаатырыгар айымньылаахтык үлэлии-хамсыы сылдьар. Дьоро киэһэни режиссер, СӨ үтүөлээх артыыһа Изабелла Егорова туруорбут. Худуоһунньук — Туйаара Стручкова.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…