Ульяна Винокурова: «Уларыйыыны историяҕа суолтатын сүтэрбэккэ эрэ ылыныахха наада»

Учуонай уонна уопсастыбаннай диэйэтэл Ульяна Винокурова саныырынан, Ленин болуоссата саҥаттан оҥоһуллан баран, Саха сирин олохтоохторун култуурунай уратытын бэлиэтээн көрдөрөр кэрэхсэтэр уонна умсугутар көрүҥнэммит.

Болуоссат саҥардыллыбыт өттө ханна даҕаны хатыламмат көрүҥнээх, Саха сирин дьонун инники сайдыытын, бу аныгы аан дойдутааҕы уларыйыыга кыттыһыннарыыга олус улахан суолталаах буолбут диэн этэр учуонай.

«Оттон В.И. Ленин историяҕа өйдөбүлүн уобараһын олохтоохтор, куорат уонна өрөспүүбүлүкэ салалталара ураты суолталааҕын өйдөөн, харыстыыллар. Ол иһин, норуокка эрэннэрбиттэрин курдук, саҥардыллыбыт пааматынньыгы оннугар, төттөрү туруордулар. Биһиги аныгы дьон сорукпут – өрөспүүбүлүкэ инники сайдыытын өйүүрбүт буолуохтаах. Ол Саха Өрөспүүбүлүкэтэ Арассыыйа Федерациятын састаабыгар сылдьан сайдыытын кытта сибээстээх. Оттон ССРС, РСФСР – дьоһуннаахтык олорон ааспыт  олохпутун В.И. Ленин уобараһынан көрдөрүү. Бу бириэмэ ситимин харахха көстөр омоонноро, ону билиниэххэ уонна хайдах баарынан бэлиэтиэххэ наада», – диэн этэр Ульяна Винокурова.